فيديو: إيجاد نصف قطر قاعدة مخروط بمعلومية ارتفاعه وارتفاعه الجانبي

إذا كان الارتفاع الجانبي لمخروط دائري قائم يساوي ٥٣ سم، وارتفاعه ٢٨ سم، فاوجد طول نصف قطر قاعدته.

٠١:٣٥

‏نسخة الفيديو النصية

إذا كان الارتفاع الجانبي لمخروط دائري قائم يساوي تلاتة وخمسين سنتيمتر، وارتفاعه تمنية وعشرين سنتيمتر. فاوجد طول نصف قطر قاعدته.

المخروط بيبقى بالشكل ده. ومُعطى الارتفاع الجانبي اللي هو ده، طوله تلاتة وخمسين سنتيمتر. وارتفاعه تمنية وعشرين سنتيمتر. مطلوب نصف القطر للقاعدة.

المثلث اللي قدامنا ده اللي فيه نصف القطر والارتفاع الجانبي وارتفاع المخروط، ده مثلث قائم الزاوية. بنقدر نطبّق نظرية فيثاغورس، اللي هي فيها مربع طول الوتر بيساوي مجموع مربعي الضلعين المجاورين للزاوية القايمة.

يبقى معنى كده إن تلاتة وخمسين تربيع، المفروض تساوي تمنية وعشرين تربيع، زائد نق تربيع؛ وده من نظرية فيثاغورس. يبقى نق تربيع هيساوي تلاتة وخمسين تربيع، ناقص تمنية وعشرين تربيع. هيساوي ألفين خمسة وعشرين. بإيجاد الجذر التربيعي للطرفين، يبقى نق هيساوي خمسة وأربعين سنتيمتر، وهو ده طول نصف قطر قاعدة المخروط. وهو ده طول نصف قطر قاعدة المخروط.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.