فيديو: الدوال الخطية

أوجد قيمة د(٧/٥) إذا كانت د(ﺱ) = ٣ﺱ + ٤/٣.

٠٣:٤٣

‏نسخة الفيديو النصية

أوجد قيمة د خمسة على سبعة، إذا كانت د س تساوي تلاتة س، زائد تلاتة على أربعة.

معنى د خمسة على سبعة، يعني هنعوّض عن كل قيم س بخمسة على سبعة، في الدلة د س اللي عندنا. فبنبدأ كده نكتب د خمسة على سبعة هتساوي تلاتة في … س هنعوّض عنها بخمسة على سبعة، زائد تلاتة على أربعة. بنكمل بنلاقي إن تلاتة في خمسة بخمستاشر، على السبعة، زائد تلاتة على أربعة.

بعد كده هنوحّد المقامات. بنلاقي إن المقام الأول سبعة، بنحلّله إلى عوامله الأولية، وهي عبارة عن سبعة. بعد كده بنلاقي إن المقام التاني أربعة، بنحلّله إلى عوامله الأولية، وهي عبارة عن اتنين في اتنين. وبكده بنلاقي إن المقام المشترك الأصغر هيكون عبارة عن سبعة في اتنين في اتنين يساوي تمنية وعشرين. يبقى هيتم توحيد المقامات على المقام اللي هو عبارة عن تمنية وعشرين.

بعد كده هنقسم تمنية وعشرين على سبعة، بنلاقي إن الناتج عبارة عن أربعة. بنضرب أربعة في البسط، اللي هي خمستاشر. يبقى أربعة في خمستاشر، زائد تمنية وعشرين على أربعة؛ بيكون الناتج بسبعة. هنضرب سبعة في البسط، وهو عبارة عن تلاتة. وبكده بنلاقي إن البسط عندنا هيكون عبارة عن أربعة في خمستاشر بستين، زائد سبعة في تلاتة بواحد وعشرين، على تمنية وعشرين. يبقى الناتج هيكون … ستين زائد واحد وعشرين عبارة عن واحد وتمانين، على تمنية وعشرين.

بنلاقي بعد كده إن البسط أكبر مِ المقام، وبالتالي هذا الكسر كسر غير فعلي. هنبدأ نحوّله إلى عدد كسري كالتالي: هنبدأ نقسم واحد وتمانين على تمنية وعشرين. لإجراء عملية القسمة دي، هنضرب أول حاجة واحد في تمنية وعشرين، بنلاقي إن الناتج تمنية وعشرين. بعد كده بنضرب اتنين في تمنية وعشرين، بنلاقي إن الناتج عبارة عن ستة وخمسين. بعد كده بنضرب تلاتة في تمنية وعشرين، بنلاقي إن الناتج عبارة عن أربعة وتمانين. وبكده يبقى أكبر رقم هنضربه في تمنية وعشرين، ويكون الناتج واحد وتمانين، أو أقل من واحد وتمانين؛ هو عبارة عن الاتنين. فبنكتب واحد وتمانين على التمنية وعشرين الناتج بيساوي اتنين.

بعد كده هنضرب اتنين في تمنية وعشرين، بنلاقي إن الناتج ستة وخمسين. وهنطرح واحد وتمانين ناقص ستة وخمسين، بنلاقي إن الناتج بيساوي خمسة وعشرين. وبما إن خمسة وعشرين ما ينفعش نقسمها على التمنية وعشرين لأنها أقل منها، يبقى الواحد وتمانين على التمنية وعشرين، هذا الكسر الغير فعلي هيساوي اتنين وده عبارة عن ناتج القسمة، وخمسة وعشرين، وخمسة وعشرين عبارة عن باقي القسمة، على التمنية وعشرين وهي عبارة عن المقسوم عليه.

إذن د خمسة على سبعة هتساوي اتنين وخمسة وعشرين على التمنية [التمنية وعشرين].

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.