فيديو: إيجاد الأجزاء التي يقطعها خط مستقيم من محوري السينات والصادات بمعلومية معادلته

اذكر نقاط تقاطع محور السينات ومحور الصادات مع الخط المستقيم ٢ﺱ − ٣ﺹ = ٧.

٠٢:٠٣

‏نسخة الفيديو النصية

اذكر نقاط تقاطع محور السينات ومحور الصادات مع الخط المستقيم اتنين س ناقص تلاتة ص يساوي سبعة.

أول حاجة نشوف نقطة تقاطع الخط المستقيم اتنين س ناقص تلاتة ص بتساوي سبعة مع محور السينات. فمعادلة محور السينات هي ص بيساوي صفر. وبالتالي يبقى الإحداثي الصادي لنقطة التقاطع برضو هو ص بتساوي صفر.

ولو عاوزين نوجد الإحداثي السيني هنعوّض بقيمة ص بتساوي صفر في معادلة الخط المستقيم. فالمعادلة هتبقى اتنين س ناقص تلاتة في صفر بتساوي سبعة. ومنها اتنين س بتساوي سبعة. فنقسم الطرفين على اتنين، فهتبقى قيمة س بتساوي سبعة على اتنين. وبالتالي نقطة التقاطع مع محور السينات هي سبعة على اتنين وصفر. وبالنسبة لنقطة التقاطع مع محور الصادات، فهنفتكر إن معادلة محور الصادات هي س بتساوي صفر. فهتبقى قيمة الإحداثي السيني هي س بتساوي صفر.

وعشان نوجد قيمة الإحداثي الصادي هنعوّض في معادلة الخط المستقيم عن س بتساوي صفر. وبالتالي نقدر نوجد قيمة ص فمعادلة الخط المستقيم هتبقى اتنين في صفر ناقص تلاتة ص بتساوي سبعة. ومنها نقدر نقول إن سالب تلاتة ص بتساوي سبعة. نقسم الطرفين على سالب تلاتة، فهنلاقي إن ص بتساوي سالب سبعة على تلاتة. وبالتالي هتبقى نقطة تقاطع الخط المستقيم مع محور الصادات هي صفر وسالب سبعة على تلاتة. يبقى نقط تقاطع محور السينات ومحور الصادات مع الخط المستقيم اتنين س ناقص تلاتة ص بتساوي سبعة، هي سبعة على اتنين وصفر، وصفر وسالب سبعة على تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.