تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: استخدام قانون جيب التمام لحساب قياس الزاوية المجهولة في مثلث

سوزان فائق

في الشكل الموضّح، اوجد 𝜃 لأقرب رقمين عشريين.

٠٢:٠٥

‏نسخة الفيديو النصية

في الشكل الموضّح اوجد 𝜃 لأقرب رقمين عشريين. معطى في الرسم أب بيساوي عشرة، وَ أج بيساوي سبعة، وَ ج ب يساوي خمسة. ومطلوب الزاوية ما بين أج وَ ج ب.

معطى في الرسم أطوال أضلاع المثلث. ومطلوب زاوية 𝜃. نقدر نستخدم قانون جيب التمام، واللي هو ج شرطة تربيع تساوي أ شرطة تربيع زائد ب شرطة تربيع، ناقص اتنين أ شرطة ب شرطة جتا ج. ج شرطة هو الضلع المقابل للزاوية ج؛ يعني ده ج شرطة. وَ ب شرطة الضلع المقابل للزاوية ب. وَ أ شرطة الضلع المقابل للزاوية أ.

علشان نوجد قياس الزاوية ج هنعيد ترتيب القانون لإيجاد الزاوية ج؛ يبقى جتا ج هتساوي ج شرطة تربيع ناقص أ شرطة تربيع ناقص ب شرطة تربيع، على سالب اتنين أ شرطة ب شرطة. وبعد كده هنستخدم الدالة العكسية لدالة جيب التمام لإيجاد قيمة الزاوية ج.

هنعوّض بالقيم المعلومة ج شرطة تربيع بتساوي عشرة تربيع، ناقص أ شرطة تربيع يبقى خمسة تربيع، ناقص ب شرطة تربيع يبقى سبعة تربيع؛ على سالب اتنين في أ شرطة في ب شرطة. هتساوي سالب تلتاشر على خمسة وتلاتين.

الزاوية ج هتساوي الدالة العكسية لدالة جيب التمام للسالب تلتاشر على الخمسة وتلاتين، واللي هي هتساوي قياس زاوية 𝜃، هتساوي تقريبًا مية وحداشر وتمانين من مية درجة بالتقريب لرقمين عشريين. يبقى هي دي الزاوية 𝜃.