نسخة الفيديو النصية
اختر الوحدة الأكثر ملاءمة لقياس سعة بِركة أطفال متنقلة لتجنب الأعداد الكبيرة جدًّا أو الأعداد العشرية الصغيرة، الاختيار الأول: لتر، الاختيار التاني: ملليلتر.
بركة الأطفال المتنقلة دي هي عبارة عن حمام سباحة صغير بيتنفخ ونملاه مَيَّة، عشان الأطفال الصغيرين يعوموا فيه، كمية المَيَّة اللي فيه أكيد كمية كبيرة عشان تكفي إن الأطفال يعوموا فيها، فمينفعش نستخدم فيها الملليلترات، الملليلترات دي ممكن نقيس بيها كمية مَيَّة هنشربها، أو كمية دوا، أو أي كمية صغيرة هنتعامل بيها، بس لو كمية كبيرة العدد هيبقى كبير جدًّا، لو عبرنا عنه بالملليلترات فبنستخدم وحدة اللتر للتعبير عن الكميات الكبيرة من المَيَّة اللي هنحتاجها عشان نملا بيها حوض الاستحمام الصغير اللي عندنا ده، يبقى الإجابة الصحيحة: الوحدة الأكثر ملاءمة لقياس سعة بركة أطفال متنقلة هتبقى هي اللتر.
