تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: المئات

نهال عصمت

يوضِّح الفيديو طريقة كتابة الأعداد على صورة آحاد، وعشرات، ومئات، وتمثيلها باستخدام النماذج.

٠٢:٤٢

‏نسخة الفيديو النصية

المئات.

هنتعلم نكتب الأعداد في صورة: مئات، وعشرات، وآحاد. ونقدر كمان نمثّلها باستخدام النماذج. بمعنى لو عندنا تلات أطباق بالشكل الآتي. كل طبق يحتوي على مية مكعب. في الطبق الأول عندنا نموذج مقسَّم إلى مية مكعب؛ وبالتالي عندنا مائة واحدة. وفي الطبق التاني عندنا عشر نماذج، كل نموذج مقسَّم إلى عشر مكعبات؛ وبالتالي عندنا عشرة عشرات. وآخِر طبق فيه مية مكعب؛ وبالتالي نقدر نقول إن عندنا مية آحاد. التلات أطباق، كل طبق يحتوي على مية مكعب. وبالتالي نقدر نقول إن مائة واحدة تساوي عشرة عشرات، تساوي مية آحاد.

هنبدأ نجيب صفحة جديدة، ونشوف أمثلة نقدر نفهم من خلالها أكتر.

عندنا نموذجين، كل نموذج مقسَّم إلى مية مكعب. يبقى عندنا اتنين مئات. طب الاتنين مئات بتساوي كام عشرات؟ بتساوي عشرين عشرات. وبتساوي برضو ميتين آحاد. يبقى الاتنين مئات بتساوي عشرين عشرات، وبتساوي ميتين آحاد.

نشوف مثال آخر. عندنا ست نماذج، كل نموذج مقسَّم إلى مية مكعب. وبالتالي نقدر نقول إن عندنا ستة مئات. والستة مئات بتساوي بتساوي ستين عشرات، وبتساوي كمان ستمية آحاد. طب لو عندنا أربع نماذج، كل نموذج مقسَّم إلى مية مكعب. عايزين نعرف النموذج ده فيه كام مئات. نقدر نقول إن النموذج فيه أربعة مئات. والأربعة مئات بتساوي أربعين عشرات، وبتساوي كمان ربعمية آحاد.

يبقى كده اتعلّمنا نكتب الأعداد في صورة مئات، وعشرات، وآحاد. وقدرنا كمان نمثّلها بالنماذج.