نسخة الفيديو النصية
اكتب قياس الزاوية بالدرجات، وفي صورة كسر من دورة كاملة. ومُعطى عندنا الشكل ده، وعايزين نوجد قياس الزاوية دي.
فمن الشكل هنلاحظ إن عندنا هنا ده خط مستقيم، فمعنى كده إن الزاوية دي هي زاوية مستقيمة. والزاوية المستقيمة هي الزاوية اللي قياسها مية وتمانين درجة؛ فبالتالي هيبقى قياس الزاوية بالدرجات هو مية وتمانين درجة.
بعد كده عايزين نشوف قياس الزاوية في صورة كسر من دورة كاملة. وخلّينا نفتكر إن الدورة الكاملة بتمثّل تلتمية وستين درجة؛ يعني لو كمّلناها بالشكل ده، فهيبقى قياس الزاوية تلتمية وستين درجة، أو دورة كاملة.
لكن إحنا هنا عندنا زاوية قياسها مية وتمانين درجة، اللي هي الزاوية المستقيمة، فبالتالي الزاوية المستقيمة بتمثل نُص دورة، علشان هي زاوية مستقيمة، فبالتالي بتمثل من هنا لهنا نُص دورة؛ فمعنى كده إن قياس الزاوية بالدرجات، وفي صورة كسر من دورة كاملة، هو مية وتمانين درجة بالدرجات، ونص دورة في صورة كسر من دورة كاملة.