فيديو: إيجاد قيمة التعبيرات العددية التي تتضمَّن ترتيب العمليات على الأعداد الصحيحة

احسب ١٥ ÷ (٥ ÷ ٣).

٠١:٣٤

‏نسخة الفيديو النصية

احسب خمستاشر على، بين قوسين خمسة على تلاتة.

خمسة على تلاتة اللي بين القوسين دول، نقدر نكتبهم في صورة بسط ومقام بالشكل ده. ودلوقتي علشان نعرف نقسم الخمستاشر على الكسر ده بسهولة، فهنحول علامة القسمة لعلامة ضرب. بشرط إن يكون البسط هو المقام، والمقام مكان البسط. يعني بدل خمسة على تلاتة هنكتبها تلاتة على خمسة.

بعد كده نبدأ نضرب البسط في البسط، والمقام في المقام. الخمستاشر لأنها عدد صحيح، فالمقام بتاعها بيساوي واحد. ودلوقتي هنبدأ نضرب خمستاشر في تلاتة، ونحطها مكان البسط. ونضرب واحد في خمسة، ونحطها مكان المقام. علشان نجيب حاصل ضرب خمستاشر في تلاتة هنبدأ نضرب خمسة في تلاتة بيساوي خمستاشر. هنكتب الخمسة في خانة الآحاد، والواحد هنضيفها لأرقام خانة العشرات. وبعدين نضرب واحد في تلاتة بيساوي تلاتة، ونضيف عليهم الواحد فهيساوي أربعة.

وبكده حاصل ضرب خمستاشر في تلاتة بيساوي العدد خمسة وأربعين. والمقام واحد في خمسة بيساوي خمسة. وبكده عايزين دلوقتي نعرف ناتج قسمة خمسة وأربعين على خمسة. يا ترى إيه العدد اللي لمّا نضربه في خمسة هيكون الناتج هو خمسة وأربعين؟ هنلاقي إن هو العدد تسعة. وبالتالي هيكون ناتج قسمة خمستاشر على خمسة على تلاتة، بيساوي العدد تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.