فيديو: حل المسائل الكلامية التي تتضمَّن القسمة

مدرسة ابتدائية بها ١٤٨ طالبًا. قُسم الطلاب بالتساوي على فصلين. كم طالبًا في كل فصل؟

٠١:٥١

‏نسخة الفيديو النصية

مدرسه ابتدائية بها مية تمنية وأربعين طالبًا. قُسّم الطلاب بالتساوي على فصلين. كم طالبًا في كل فصل؟

يبقى إحنا محتاجين نقسم عدد الطلاب اللي عندنا كله، اللي هو مية تمنية وأربعين. نقسمه على اتنين؛ عشان همّ فصلين عايزين نوزع فيهم الطلاب بالتساوي. فيبقى عايزين نقسم مية تمنية وأربعين على اتنين، ونوجد ناتج عملية القسمة دي.

هنوجد ناتج القسمة باستخدام عملية القسمة المطوّلة. هنبدأ نقسم؛ واحد على اتنين. مش هينفع نقسم الواحد على اتنين ويدينا عدد صحيح؛ لأن الواحد أقل من الاتنين. فهناخد الرقم اللي بعد كده معانا، ونبقى بنقسم أربعتاشر على اتنين. عايزين نشوف إيه العدد اللي لو ضربناه في اتنين يدينا أربعتاشر أو أقل، ما ينفعش يبقى أزيد من أربعتاشر.

هنلاقي إن العدد اللي لو ضربناه في اتنين يدينا أربعتاشر، هو سبعة. يعني أربعتاشر على اتنين يساوي سبعة. دلوقتي هنضرب سبعة في اتنين، ونحط ناتج عملية الضرب هنا. بعد كده نجري عملية طرح. أربعتاشر ناقص أربعتاشر هيساوي صفر. الخطوة اللي بعد كده إننا ننزل الرقم اللي عليه الدور، اللي هو تمنية. ونكرر تاني نفس الخطوات. نبتدي نقسم تمنية على اتنين. يا ترى إيه العدد اللي لو ضربناه في اتنين يدينا تمنية؟ هنلاقي إن العدد ده هو أربعة. أربعة في اتنين هيبقى حاصل الضرب تمنية. بعد كده نجري عملية طرح هنلاقي إن ناتج عملية الطرح هو صفر.

بكده يبقى انتهت عملية القسمة اللي بنعملها. وهيبقى ده هو ناتج القسمة؛ أربعة وسبعين. إذن مية تمنية وأربعين على اتنين، هيساوي أربعة وسبعين. يبقى هو ده ناتج القسمة المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.