تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل المعادلات التربيعية ذات الجذور التخيلية التي معاملها الرئيسي لا يساوي ١

أحمد لطفي

حل المعادلة ٢ﺱ^٢ = −٥٠.

٠١:٢٦

‏نسخة الفيديو النصية

حِل المعادلة: اتنين س أُس اتنين بتساوي سالب خمسين.

في البداية عشان نقدر نحل المعادلة، يعني محتاجين نوجد قيم س. وبالتالي أول خطوة هنقسم الطرفين على اتنين. فهيكون عندنا س تربيع هتساوي سالب خمسة وعشرين. بأخذ الجذر التربيعي للطرفين، هيكون عندنا س بتساوي موجب أو سالب الجذر التربيعي لسالب خمسة وعشرين. يعني س هتساوي موجب أو سالب الجذر التربيعي … سالب خمسة وعشرين ممكن نكتبها في صورة سالب واحد مضروب في خمسة وعشرين. يعني س هتساوي موجب أو سالب الجذر التربيعي لسالب واحد مضروب في الجذر التربيعي لخمسة وعشرين.

وبما إن الجذر التربيعي لسالب واحد بيساوي ت، فَـ س هتساوي … موجب أو سالب الجذر التربيعي لخمسة وعشرين هيساوي خمسة. والجذر التربيعي لسالب واحد هيساوي ت. وبالتالي س هتساوي موجب أو سالب خمسة ت. يعني هيكون عندنا قيمتين لـ س؛ أول قيمة س بتساوي خمسة ت، وتاني قيمة س هتساوي سالب خمسة ت.

ويبقى كده قدرنا نحل المعادلة: اتنين س أُس اتنين بتساوي سالب خمسين.