فيديو: تكوين المربعات من أشكال أخرى ثنائية الأبعاد

أماني يوسف

إذا قطعنا المربع الموضَّح باستخدام الخط النقطي، فما الشكل الذي تكون عليه كل قطعة بعد ذلك؟

٠٢:٢٣

‏نسخة الفيديو النصية

إذا قطعنا المربع الموضّح باستخدام الخط النقطي، فما الشكل الذي تكون عليه كل قطعة بعد ذلك؟ لو خدنا المربع اللي قدامنا ده وقطعناه باستخدام الخط المنقّط ده، فاتقسم لجزئين. ده كده جزء أهو. وده الجزء التاني. عاوزين نعرف بقى كل جزء من الجزئين دول على شكل إيه؟ هو الجزء اللي قدامنا ده عبارة عن إيه؟ عبارة عن مثلث. ليه قلنا مثلث؟ لأن له تلات أضلاع، شكل ثلاثي. وبرضو زيه بالظبط الجزء ده. هو كمان مثلث.

يبقى نعرف نرد على السؤال. ونقول إيه الشكل اللي اتكوّن في كل قطعة. الشكل اللي اتكوّن في كل قطعة هو شكل المثلث. فتبقى الإجابة هي مثلث. ده بالنسبة لأول جزء في السؤال. يبقى كده الشكل الأول ده إجابته مثلث.

طيب لو جينا على الشكل ده. وحبينا نعرف المربع ده لمّا نقطعه أو نقسمه باستخدام الخط النقطي بالشكل ده. هيكوّن إيه؟ هيكون لنا الشكل ده، وزيه هنا الشكل ده. طيب هي الأشكال اللي اتقسمت أو اللي اتحدّدت دي عبارة عن إيه؟ هنلاقي إن الشكل ده عبارة عن مستطيل. وزيه بالظبط الشكل ده، هو كمان مستطيل. فده معناه إننا لمّا بنقطع المربع باستخدام الخط المنقّط بالصورة دي، بيتكون على كل قطعة شكل مستطيل. فتبقى الإجابة هي مستطيل.

وبكده نكون جاوبنا الجزئين من السؤال. أول جزء لمّا المربع اتقطع بالشكل ده كون لنا على كل جزء شكل مثلث. وتاني جزء من السؤال لمّا المربع اتقطع بالشكل ده كون لنا مستطيل على كل جزء من أجزاء المربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.