تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد إشارة دالة مثلثية لزاوية مُعطاة

سوزان فائق

هل جتا ٤٠٠° موجبة أم سالبة؟

٠١:٤٩

‏نسخة الفيديو النصية

هل جتا ربعمية درجة موجبة أم سالبة؟

الزاوية المُعطاة ربعمية درجة دي أكبر من التلتمية وستين درجة. معنى كده إن ضلع البداية اللي بينطبق على محور السينات وضلع النهاية هيلف دورة كاملة تلتمية وستين درجة، ويرجع يزوّد كمان لغاية ما يوصل لربعمية درجة. هيزود حوالي أربعين درجة، علشان تبقى قياس الزاوية ربعمية. ده معناه إن الضلع النهاية وضلع البداية، الاتنين مشتركين مع زاوية تانية قيمتها أربعين درجة. وعلشان نعرف الزاوية المشتركة اللي هي الزاوية الحادة المشتركة مع ربعمية درجة، فبنطرح الربعمية ناقص تلتمية وستين، هتساوي أربعين درجة.

يبقى هي دي الزاوية الحادة اللي مشتركة مع الربعمية درجة. نشوف الزاوية دي موجودة في أنهي ربع، هنلاقيها موجودة في الربع الأول. وبالتالي هنشوف جتا الزاوية دي قيمتها موجبة ولا لأ. هنلاقي إن الـ جا 𝜃 موجبة، والـ جتا 𝜃 موجبة في الربع الأول من الإحداثيات. وبالتالي الـ جتا أربعين درجة هتبقى موجبة، واللي هي نفس قيمة الـ جتا ربعمية درجة. وبالتالي هتبقى موجبة، وهي دي الإجابة المطلوبة.