فيديو: صياغة محدِّد المعاملات لحل نظام معادلات باستخدام قاعدة كرامر

سوزان فائق

يحل سيف معادلات آنية باستخدام طريقة كرامر. كتب سيف Δ_ﺱ = المحدد −٩، −٨ و ٢، −٢ ، Δ_ﺹ = المحدد ٩، −٩ و −٣، ٢. ما الذي كتبه بالنسبة إلى Δ؟

٠١:٥٤

‏نسخة الفيديو النصية

يحل سيف معادلات آنية باستخدام طريقة كرامر، فكتب سيف Δ س بتساوي المحدِّد: سالب تسعة، وسالب تمنية، واتنين، وسالب اتنين؛ والـ Δ ص هي المحدِّد: تسعة، وسالب تسعة، وسالب تلاتة، واتنين. ما الذي كتبه بالنسبة إلى Δ؟

لاستخدام طريقة كرامر لحل المعادلات الآنية، لو كانت المعادلات بالشكل أ س زائد ب ص يساوي ك، وَ ﺟ س زائد د ص يساوي ل؛ فبنوجد محدِّد الـ Δ، اللي هو بيبقى محدِّد معامِلات المضروبة في المتغيرات، اللي هو الـ أ ب ﺟ د؛ والـ Δ س بتساوي محدِّد … بنبدل العمود الأول الـ أ والـ ﺟ بالعمود الثوابت اللي هو الـ ك والـ ل، ونسيب الـ ب والـ د زي ما هم؛ ومحدِّد الـ Δ ص بيساوي العمود الأول بنسيبه زي ما هو ونبدل العمود التاني بعمود الثوابت ك وَ ل.

الـ Δ س هنا معطاة: سالب تسعة، وسالب تمنية، واتنين، وسالب اتنين. لو قارنّا بالـ Δ س دي يبقى السالب تسعة والاتنين دول بيمثلوا الـ ك والـ ل، وفعلًا هنلاقيهم هنا موجودين في الـ Δ ص. يبقى قيمة الـ أ نقدر نجيبها من الـ Δ ص، اللي هي تسعة؛ والـ ﺟ من الـ Δ ص، اللي هي السالب تلاتة؛ والباء هنوجدها من الـ Δ س، اللي هي السالب تمنية، والـ د على هنوجدها من الـ Δ س، اللي هي سالب اتنين.

وبالتالي محدِّد الـ Δ هيساوي: تسعة، سالب تلاتة، سالب تمنية، وسالب اتنين. يبقى هو ده اللي كتبه سيف بالنسبة إلى Δ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.