فيديو: وصف موضع الأشكال الثلاثية الأبعاد

انظر إلى هذه الصورة. ما الشكل الذي يقع «أسفل» الشكل الذي به ٤ أوجه على شكل مثلث؟ [أ] المكعَّب [ب] المخروط [ج] الهرم [د] الأسطوانة

٠١:٢٩

‏نسخة الفيديو النصية

انظر إلى هذه الصورة. ما الشكل الذي يقع أسفل الشكل الذي به أربع أوجُه على شكل مثلث؟ المكعَّب، ولّا المخروط، ولّا الهرم، ولّا الأسطوانة؟

عاوزين نبصّ للصورة دي كويس، ونجاوب على السؤال بتاعنا. قبل ما نقرأ السؤال، تعالوا نبصّ على الصورة. هنلاقي هنا ده هرم، ودي كرة، وده مخروط، وده مكعَّب، ودي أسطوانة.

السؤال بقى بيقول لنا: عاوزين نعرف الشكل اللي بيقع أسفل … ما دام قال أسفل، يعني تحت. أسفل إيه؟ أو تحت إيه؟ الشكل اللي له أربع أوجُه على شكل مثلث. هو مين الشكل في الأشكال اللي عندنا دي اللي الأوجُه بتاعتها على شكل مثلث؟ الهرم هو اللي أوجهه على شكل مثلث. طيب إيه بقى الشكل اللي بيقع تحت الهرم؟ لو الهرم جينا كده بصّينا تحته، هنلاقي الشكل ده. اللي هو الإيه؟ الأسطوانة.

فتبقى الإجابة بتاعتنا على السؤال هي إن الأسطوانة هي الشكل اللي بيقع تحت الشكل اللي له أربع أوجُه على شكل مثلث. واللي هو: الهرم.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.