تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: كتابة المقادير الكسرية بصيغ مختلفة عن طريق مقارنة المُعامِلات

أحمد لطفي

اكتب (٣ﺱ^٣ + ٤ﺱ^٢ + ٥ﺱ + ١٠)/(ﺱ + ٥) على صورة ﻕ(ﺱ) + ﺭ(ﺱ)/د(ﺱ).

٠٢:٤٩

‏نسخة الفيديو النصية

اكتب: تلاتة س أُس تلاتة، زائد أربعة س أُس اتنين، زائد خمسة س، زائد عشرة، الكل مقسوم على س زائد خمسة، على صورة ق س زائد ر س مقسومة على د س.

في البداية عشان نقدر نكتب المقدار على صورة ق س زائد ر س على د س؛ فمحتاجين نجري عملية قسمة مطوّلة، هنقسم تلاتة س أُس تلاتة، زائد أربعة س أُس اتنين، زائد خمسة س، زائد عشرة، على س زائد خمسة.

أول خطوة: تلاتة س أُس تلاتة على س هيساوي تلاتة س أُس اتنين، وهنرجع نضرب تلاتة س أُس اتنين في س هيساوي تلاتة س أُس تلاتة، وتلاتة س أُس اتنين في خمسة هيساوي خمستاشر س أُس اتنين، هنطرح فهيكون عندنا سالب حداشر س أُس اتنين زائد خمسة س زائد عشرة، بعدين هنقسم سالب حداشر س أُس اتنين على س هيساوي سالب حداشر س، هنرجع نضرب سالب حداشر س في س هيساوي سالب حداشر س أُس اتنين، وسالب حداشر س في خمسة هيساوي سالب خمسة وخمسين س، هنطرح فهيكون عندنا ستين س زائد عشرة، هنقسم ستين س على س فهيساوي ستين، وبعدين هنرجع نضرب ستين في س، هيساوي ستين س زائد ستين في خمسة، هيساوي تلتمية، هنطرح؛ فهيتبقى عندنا سالب ميتين وتسعين، وبالتالي لو عايزين نكتب المقدار على صورة ق س زائد ر س على د س، ق س هتمثل ناتج القسمة، اللي هو تلاتة س تربيع ناقص حداشر س زائد ستين، ر س هتمثل باقي القسمة اللي هو سالب ميتين وتسعين؛ يعني هيكون عندنا ناقص ميتين وتسعين على د س، هتكون بتساوي س زائد خمسة؛ وبالتالي يبقى المقدار على صورة ق س زائد ر س على د س هيساوي تلاتة س أُس اتنين، ناقص حداشر س زائد ستين ناقص ميتين وتسعين على س زائد خمسة.