تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد محيط مثلث باستخدام التشابه بين مثلثين

سوزان فائق

إذا كان △ﺃﺏﺟ، △ﺱﺹﻉ مثلثين متشابهين، ﺃﺏ/ﺱﺹ = ٨/٥، ومحيط △ﺃﺏﺟ يساوي ٢٨٫١ سم، فأوجد محيط △ﺱﺹﻉ لأقرب جزء من عشرة.

٠١:٤٦

‏نسخة الفيديو النصية

إذا كان المثلث أ ب ﺟ والمثلث س ص ع مثلثين متشابهين، وَ أ ب على س ص بيساوي خمسة على تمنية، ومحيط المثلث أ ب ﺟ بيساوي تمنية وعشرين وواحد من عشرة سنتيمتر؛ فأوجد محيط المثلث س ص ع لأقرب جزء من عشرة.

النسبة بين محيطَي مضلعين متشابهين بتساوي مُعامل تشابُههما، ومعامل التشابه ده اللي هو بيبقى النسبة بين طولَي ضلعين متناظرين، واللي هي هنا معطاة بخمسة على تمنية؛ يبقى محيط المثلث أ ب ﺟ على محيط المثلث س ص ع، اللي هو النسبة بين محيطَي المضلعين، بتساوي خمسة على تمنية.

معطى قيمة محيط المثلث أ ب ﺟ بتمنية وعشرين وواحد من عشرة سنتيمتر، يبقى نقدر نوجد محيط المثلث س ص ع بإن إحنا هنضرب طرفين في وسطين، يبقى محيط المثلث س ص ع مضروب في الخمسة هيساوي تمنية وعشرين وواحد من عشرة في التمنية. بقسمة الطرفين على الخمسة، عشان نختصر الخمسة دي مع الخمسة دي، يبقى محيط المثلث س ص ع بيساوي تمنية وعشرين وواحد من عشرة في تمنية على خمسة، بتساوي أربعة وأربعين وستة وتسعين من مية. ولمّا هنقرّبها لأقرب جزء من عشرة، هتبقى قيمتها خمسة وأربعين سنتيمتر، وهي دي القيمة المطلوبة.