نسخة الفيديو النصية
أكمل: رُباعي الأضلاع به نقط أقطار.
وخلّينا في الأول نفتكر إن رُباعي الأضلاع هو الشكل الذي له أربع أضلاع. فمثلًا الشكل اللي قدامنا ده، يُعتبر شكل رُباعي الأضلاع؛ لأن ليه أربع أضلاع. بعد كده عايزين نحدّد عدد الأقطار اللي بتبقى موجودة في الشكل الرُّباعي.
وخلينا في الأول نفتكر إن القطر هو الخط الواصل بين أيّ رأسين متقابلين، وغير متجاورين. يعني مثلًا عندنا الرأس دي، والرأس دي؛ رأسين متقابلين وغير متجاورين. فيبقى الخط الواصل بينهم بنسميه قطر. وبنفس الطريقة، هيبقى الرأسين المتقابلين التانيين، الخط الواصل بينهم هيبقى اسمه قطر.
فمعنى كده إن الشكل الرُّباعي الأضلاع بيبقى ليه قطرين. لأن زيّ ما عرفنا إن الشكل الرُّباعي الأضلاع بيبقى ليه أربع أضلاع. وبالتالي هيبقى ليه أربع رؤوس. فلمّا هنرسم خط بين كل رأسين متقابلين غير متجاورين، هيبقى اسمه قطر. يعني معنى كده إن في أيّ شكل رُباعي، هيبقى عندنا قطرين. وبالتالي هتبقى إجابة السؤال هي: اتنين. لأن عدد أقطار الشكل الرُّباعي اتنين.
