فيديو الدرس: الأشكال المستوية الرياضيات

يوضح الفيديو تعريف الأشكال المستوية، وكيفية تسميتها ووصفها، كما يوضح تعريف المضلّع.

٠٥:٣٣

‏نسخة الفيديو النصية

هنتكلّم عن الأشكال المستوية. هنتعلّم إزاي نسمّي الأشكال المستوية، ونوصفها. وهي الأشكال ثُنائية الأبعاد، ليها طول وعرض فقط. مثال لاحظ أحمد إن إشارة قف على شكل هندسي، مكوّن من تمن أضلاع. مثل هذا الشكل يسمى مضلّع. والمضلّع هو شكل مستوي مغلق، مكوّن من تلات زوايا أو أكتر، وتلات قطع مستقيمة أو أكتر؛ زيّ إشارة قف. إشارة قف مكوّنة من تمن أضلاع. واحد، اتنين، تلاتة، أربعة، خمسة، ستة، سبعة، تمنية. وكمان تمن زوايا. وبكده فهو اسمه شكل ثُماني.

دلوقتي هناخد أمثلة على المضلّعات. المثلث: وهو مضلّع مكوَّن من تلات أضلاع، وتلات زوايا. دول التلات أضلاع، ودول التلات زوايا. تاني شكل، أو تاني مضلّع هو الشكل الرباعي، مكوَّن من أربع أضلاع، وأربع زوايا. زيّ ما هو موضّح قُدامي. تالت مضلّع هو الشكل الخماسي، مكوَّن من خمس أضلاع: واحد، اتنين، تلاتة، أربعة، خمسة. وخمس زوايا: واحد، اتنين، تلاتة، أربعة، خمسة.

كمان الشكل السداسي. والشكل السداسي مكوَّن من ست أضلاع: واحد، اتنين، تلاتة، أربعة، خمسة، ستة. وست زوايا: واحد، اتنين، تلاتة، أربعة، خمسة، ستة. والشكل الثماني مكوَّن من تمن أضلاع. واحد، اتنين، تلاتة، أربعة، خمسة، ستة، سبعة، تمنية. وتمن زوايا: واحد، اتنين، تلاتة، أربعة، خمسة، ستة، سبعة تمنية.

هنكمّل في الصفحة اللي جايّة. مثال: صِفْ كل شكل من الأشكال التالية. أول شكل مكوَّن من خمس أضلاع: واحد، اتنين، تلاتة، أربعة، خمسة. وبكده فهو شكل خماسي، مكوَّن من خمس أضلاع، وخمس زوايا. تاني شكل مكوَّن من واحد، اتنين، تلاتة، أربعة. أربع أضلاع. وبالتالي فهو شكل رباعي، مكوَّن من أربع أضلاع، وأربع زوايا.

هنلاحظ كمان إنه الدايرة ليست مضلّع؛ لأن ما عندهاش أضلاع. الجدول التالي هيوضح أمثلة لمضلّعات، وليست مضلّعات. قلنا إن المضلّع هو شكل مستوي مغلق، مكوَّن من تلات زوايا أو أكتر، وتلات قطع مستقيمة أو أكتر. وأخدنا هنا في الجدول أمثلة على المضلّعات، زيّ ما هو موضّح قدامي. أمّا إذا كان الشكل ليس عنده أضلاع، زيّ ما هو موضّح قدامي. أو مكوَّن من أضلاع، ولكنه مفتوح، يعني ليس مغلق. في الحالة دي يُسمى ليس مضلّع.

هنكمّل في الصفحة اللي جايّة. مثال: حدّد أيّ من الأشكال التالية مضلّع. هنلاحظ إن القلب، ليس مكوَّن من أيّ أضلاع. وبالتالي فهو ليس مضلّع. الشكل التاني مكوَّن من ست أضلاع: واحد، اتنين، تلاتة، أربعة، خمسة، ستة. وبالتالي فهو مضلّع. وبما إنه مكوَّن من ست أضلاع، وست زوايا، فاسمه الشكل السداسي.

هنكمّل في الصفحة اللي جايّة. تدريبات. رقم واحد: حدّد اسم كل مضلّع مما يلي. أول مضلّع مكوَّن من أربع أضلاع، وأربع زوايا. وبالتالي فهو شكل رباعي. تاني شكل مكوَّن من تلات أضلاع، وتلات زوايا. وبالتالي فهو مثلث. تالت شكل مكوَّن من تمن أضلاع، وتمن زوايا. واحد، اتنين، تلاتة، أربعة، خمسة، ستة، سبعة، تمنية. وبكده فهو شكل ثُماني.

سؤال رقم اتنين: حدّد أيّ من الأشكال التالية مضلّعًا. أول شكل ليس مضلّع. تاني شكل مكوَّن كله من أضلاع. وبالتالي فبنسميه مضلّع. هنلاحظ إنه مكوَّن من سبع أضلاع، وسبع زوايا. واحد، اتنين، تلاتة، أربعة، خمسة، ستة، سبعة. آخِر شكل ليس مضلّع.

وبكده هنكون اتعلّمنا إزاي نسمّي الأشكال المستوية، ونصنّفها. وعرفنا إن هي الأشكال ثُنائية الأبعاد ليها طول وعرض فقط. زيّ المثلث، الشكل الرباعي، الشكل الخماسي، الشكل السداسي، الشكل السباعي، الشكل الثماني. وقلنا إن المضلّع هو شكل مستوي مغلق، مكوَّن من تلات زوايا أو أكتر، وتلات قطع مستقيمة أو أكتر. وعرفنا كمان إن الدايرة ليست مضلّع؛ لأن ما عندهاش أضلاع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.