فيديو: تحديد العدد الذي لا يحقِّق متباينة مُعطاة

أيٌّ مما يلي لا يحقق المتباينة ﺱ ≤ −١؟ [أ] −٤ [ب] −٣ [ج] −١ [د] ٢

٠١:٣٢

‏نسخة الفيديو النصية

أيٌّ مما يلي لايحقّق المتباينة: س أقل من أو يساوي سالب واحد؟ ومعطى عندنا الاختيارات. أ: سالب أربعة. ب: سالب تلاتة. ج: سالب واحد. د: اتنين.

فعشان نجاوب على السؤال ده، خلينا في الأول نشوف المتباينة اللي عندنا. والمتباينة هي: س أقل من أو يساوي سالب واحد، فمعنى كده إن اللي يحقق المتباينة هي قيم لـ س تكون أقل من أو تساوي سالب واحد.

فلمّا نيجي نشوف الاختيارات اللي عندنا، هنلاقي أول اختيار هو سالب أربعة، وسالب أربعة أقل من سالب واحد؛ فبالتالي بيحقّق المتباينة. تاني اختيار اللي هو الاختيار ب سالب تلاتة، وبرضو سالب تلاتة أقل من سالب واحد؛ فبالتالي سالب تلاتة بتحقّق المتباينة. واختيار ج هو سالب واحد، وسالب واحد هنا يعني بتساوي سالب واحد. وزيّ ما قلنا إن المتباينة س أقل من أو يساوي سالب واحد؛ فبالتالي برضو سالب واحد هتحقّق المتباينة.

أمّا الاختيار د اللي هو اتنين، فهنلاحظ إن اتنين عندنا أكبر من سالب واحد؛ وبالتالي هيبقى اتنين مش بتحقّق المتباينة.

فبالتالي تبقى إجابة السؤال: «أيٌّ مما يلي لايحقّق المتباينة: س أقل من أو يساوي سالب واحد؟» هو الاختيار د: اتنين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.