فيديو: تطبيقات على مبدأ العد (قاعدة الضرب) باستخدام التراكيب

كم عدد الطرق التي يمكن من خلالها تكوين لجنة من ٣ طلاب جدد و٤ طلاب في الفرقة الثانية من أصل ٨ طلاب جدد و١١ طالبًا في الفرقة الثانية؟

٠٢:٥٤

‏نسخة الفيديو النصية

كم عدد الطرق التي يمكن من خلالها تكوين لجنة من ثلاثة طلاب جدد وأربعة طلاب في الفرقة الثانية من أصل ثمانية طلاب جدد وأحد عشر طالبًا في الفرقة الثانية؟

عشان نعرف عدد الطرق لتكوين اللجنة. محتاجين نستخدم التوافيق. عدد الطرق لاختيار تلات طلاب جُدد من أصل تمن طلاب جدد. بنعبر عنه بالصورة: تمنية ق تلاتة.

نفتكر إن ن ق ر بيساوي مضروب ن على، مضروب ر في، مضروب ن ناقص ر. وبتطبيق القاعدة دي هيبقى تمنية ق تلاتة بيساوي مضروب تمنية على، مضروب تلاتة، مضروب في مضروب تمنية ناقص تلاتة.

ده هيساوي تمنية في سبعة في ستة في خمسة في أربعة في تلاتة في اتنين في واحد، على … مضروب تلاتة هيبقى تلاتة في اتنين في واحد، في … مضروب تمنية ناقص تلاتة يعني هيساوي مضروب خمسة. فهيساوي خمسة في أربعة في تلاتة في اتنين في واحد.

وباستخدام التبسيط ده هيساوي تمنية في سبعة، يعني هيساوي ستة وخمسين. ده معناه إن فيه ستة وخمسين طريقة لاختيار تلاتة طلاب جدد من أصل تمن طلاب.

بعد كده نحسب عدد الطرق اللي ممكن من خلالها نختار أربع طلاب في الفرقة التانية من أصل حداشر طالب. فده هيساوي حداشر ق أربعة. وبتكرار نفس الخطوات. ده هيساوي حداشر في عشرة في تلاتة. يعني هيساوي تلتمية وتلاتين طريقة.

وحسب مبدأ العد الأساسي، هيبقى عدد طرق تكوين اللجنة اللي بتتكوّن من تلات طلاب جدد، وأربع طلاب في الفرقة التانية. بيساوي عدد طرق اختيار تلات طلاب جدد اللي هو تمنية ق تلاتة، في عدد طرق اختيار أربعة طلاب في الفرقة التانية اللي هو حداشر ق أربعة. ده هيساوي ستة وخمسين في تلتمية وتلاتين. اللي هيساوي تمنتاشر ألف وربعمية وتمانين طريقة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.