تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: تحديد الأشكال

مريم يحيى

أيّ من الأشكال الآتية يمثّل وجه المكعّب؟ [أ] شكل أ [ب] شكل ب [ج] شكل ﺟ [د] شكل د

٠١:٣٤

‏نسخة الفيديو النصية

أيّ من الأشكال الآتية يمثّل وجه المكعّب؟

الشكل اللي قدامنا ده اسمه مكعّب. ومطلوب نعرف أنهي شكل في الأشكال الأربعة دي بيمثّل وجه المكعّب. بس قبل ما نجاوب لازم نعرف إيه هو المكعّب، وبيتكوّن من إيه. المكعّب هو مجسّم صلب له رؤوس، وله أحرف، وله أوجه.

ورؤوس المكعّب اللي هي دي؛ واحد، اتنين، تلاتة، أربعة، خمسة، ستة، سبعة، تمن رؤوس. والأحرف هي الأحرف اللي بتحدّد الشكل باللون الأخضر ده.

أمّا الأوجه، فهي الأشكال اللي في المجسّم من فوق. ومن تحت. واللي موجودة في الخلف. واللي قصاده في الأمام. واللي موجودين كمان في الجنبين؛ الجنب اليمين والجنب الشمال، اللي باللون الأصفر ده. هي دي أوجه المكعب.

عايزين دلوقتي نعرف كل شكل منهم بيمثّل أنهي شكل من الأشكال الموجودة في الاختيارات دي. فلو حدّدنا مثلًا الوجه ده، هنلاقي إنه بيشبه شكل المربع، واللي أضلاعه كلها متساوية.

علشان كده هنلاقي إن وجه المكعب بيمثّل الشكل الأول في الاختيارات، واللي اسمه مربع.