فيديو: استخدام أُطُر العشرة لإيجاد الأعداد من ١١ إلى ١٩

أيُّ صورة تُمثِّل العدد ١١؟ [أ] صورة أ [ب] صورة ب [ج] صورة ج

٠١:٥٤

‏نسخة الفيديو النصية

أيّ صورة تمثّل العدد حداشر؟ الصورة أ، ولّا الصورة ب، ولّا الصورة ج؟

هنشوف كل صورة إيه العدد اللي بيمثّلها، ونكتبه. ونشوف هو حداشر ولّا لأ. نبدأ بأول صورة. لو بصّينا على أول صورة، هنلاقي الجزء ده، أو إطار العشرة ده، مليان على آخره. معنى كده إن هو فيه عشر دواير، ما فيهوش ولا مكان فاضي.

والإطار اللي جنبه ده برضو مليان على آخره، ما عدا الجزء ده ما فيهوش حاجة. يعني عشرة ناقص منها واحد، اللي هي إيه؟ تسعة. طيب إيه العدد بقى اللي بيمثّله الإطارين اللي قدامنا دول؟ عندنا هنا عشرة، يعني واحد في العشرات. وتسعة آحاد. يبقى العدد هو تسعتاشر. وإحنا عاوزين العدد يكون حداشر. فمعنى كده إن الصورة دي، مش هي اللي صح.

طيب نشوف الصورة اللي بعدها. عندنا في الإطار ده هي دايرة واحدة. وفي الإطار ده دايرة واحدة. واحد وواحد إيه؟ اتنين. يبقى كده الصورة دي اللي بيمثّلها، أو هي بتمثّل العدد اتنين. ودي برضو مش هي الإجابة الصح؛ إحنا عاوزين حداشر.

نيجي لآخر صورة. عندنا هنا في الإطار ده مليان على آخره؛ يعني فيه عشر دواير. أمّا الإطار ده فيه دايرة واحدة. يعني إيه عشر دواير؟ يعني واحد في خانة العشرات. ودايرة واحدة اللي هي واحد في الآحاد. يعني حداشر. فده معناه إن الصورة دي هي اللي بتمثّل العدد حداشر، وهي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.