فيديو: تحديد خواص محاور تماثل الخط المستقيم

ارسم أيّ قطعة مستقيمة من النقطة ﺏ إلى النقطة ﺟ، ونصِّفها عند النقطة ﺩ. من ﺩ ارسم خطًّا عموديًّا على القطعة المستقيمة ﺏﺟ، يصل للنقطة ﺃ. ماذا يمكن أن نقول عن طولَي القطعة المستقيمة ﺃﺏ، والقطعة المستقيمة ﺃﺟ؟ [أ] ﺃﺏ = ﺃﺟ [ب] ﺃﺏ< ﺃﺟ [ج] ﺃﺏ >ﺃﺟ

٠٢:٣٤

‏نسخة الفيديو النصية

ارسم أيّ قطعة مستقيمة من النقطة ب إلى النقطة ﺟ، ونصِّفها عند النقطة د. من د، ارسم خطًّا عموديًّا على القطعة المستقيمة ب ﺟ، يصل للنقطة أ. ماذا يمكن أن نقول عن طولَي القطعة المستقيمة أ ب، والقطعة المستقيمة أ ﺟ؟ الاختيار الأول: أ ب يساوي أ ﺟ. الاختيار التاني: أ ب أصغر من أ ﺟ. الاختيار التالت: أ ب أكبر من أ ﺟ.

هنبدأ برسم القطعة المستقيمة ب ﺟ. والمنتصف بتاعها هيبقى النقطة د. المنتصف معناها إن ب د هتساوي د ﺟ. بعد كده عايزين من النقطة د، نرسم خط عمودي عَ القطعة المستقيمة ب ﺟ، ويصل للنقطة أ. دلوقتي هنشوف إزاي نقدر نرسم عمودي على القطعة المستقيمة ب ﺟ، من النقطة د. هنشوف إزاي باستخدام البرجل، نقدر نرسم عمودي على قطعة مستقيمة.

هنجيب صفحة جديدة. نعيد رسم القطعة المستقيمة اللي عندنا تاني. ونشوف إزاي باستخدام البرجل، هنقدر نرسم عمودي عليها، وبيمُرّ بنقطة المنتصف، اللي هي د. هنجيب البرجل، ونثبّت السنّ المعدني بتاعه على النقطة ب. ونفتحه فتحة أكبر بشوية من النقطة د. يعني أكبر من منتصف القطعة المستقيمة ب ﺟ. ونبدأ نرسم بيه قوس لأعلى، بالشكل اللي قدامنا ده.

باستخدام نفس فتحة البرجل، هننقل المرة دي السن المعدني عند النقطة ﺟ. ونرسم قوس آخَر يقطع القوس الأول في نقطة، بالشكل ده. دلوقتي هنوصّل النقطة د، بنقطة تقاطُع القوسين. وبعدين نخلّي الخط اللي إحنا رسمناه ده، يوصل للنقطة أ. كده إحنا أنشأنا خط عمودي على القطعة المستقيمة ب ﺟ، بيمُرّ بنقطة المنتصف اللي هي د. يبقى نقول على الخط أ د ده، إن هو محور التماثل للقطعة المستقيمة ب ﺟ.

محور التماثل معناها إن الجزء اللي على يمينه، بيبقى متطابق تمامًا مع الجزء اللي على يساره. وبالتالي لو حبينا نشوف العلاقة بين طول القطعة المستقيمة أ ب، وطول القطعة المستقيمة أ ﺟ. هنلاقي إنهم لازم يبقوا متساويين. لأن أ د هو محور التماثل في الشكل. فبالتالي أ ب لازم يبقى بيساوي أ ﺟ. تبقى إجابة السؤال هتبقى: أ ب يساوي أ ﺟ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.