فيديو: تحديد الوسط الحسابي والوسيط والمنوال لبيانات مُعطاة

أوجد الوسط الحسابي والوسيط والمنوال للبيانات الموضَّحة.

٠٢:٣٨

‏نسخة الفيديو النصية

أوجد الوسط الحسابي والوسيط والمنوال للبيانات الموضَّحة.

معطى عندنا في السؤال الجدول ده، اللي بيوضح لنا العمر أو السن لمجموعة من الأشخاص. ومطلوب منّنا نوجد الوسط الحسابي والوسيط والمنوال للأعمار دي.

أول حاجة تعالوا نفتكر إيه هو الوسط الحسابي. الوسط الحسابي لمجموعة من البيانات هو مجموع البيانات مقسوم على عددها. يعني هنجمع الأعمار المعطاة عندنا هنا. تمنتاشر، زائد تسعة، زائد خمستاشر، زائد، تمنتاشر زائد عشرة، زائد سبعة، زائد أربعتاشر، زائد خمسة. وبعدين هنقسمهم على عددهم اللي هو تمنية. مجموع الأعمار اللي موجودة في البسط بيساوي ستة وتسعين؛ مقسومين على التمنية.

ستة وتسعين على التمنية بيساوي اتناشر. كده إحنا عرفنا إن الوسط الحسابي اللي مطلوب منّنا في السؤال بيساوي اتناشر.

نيجي للمطلوب التاني في السؤال، اللي هو إيجاد الوسيط. الوسيط هو العدد الأوسط لمجموعة من البيانات، بعد كتابة البيانات دي بالترتيب. وبيختلف حل إيجاد الوسيط على حسب عدد البيانات المعطاة عندنا. فلو كان عدد البيانات فردي، فقيمة الوسيط بتكون القيمة الموجودة في نص البيانات بعد ترتيبها. ولو كان عدد البيانات زوجي؟ السؤال هنا عندنا عدد البيانات اللي فيه تمن بيانات؛ يعني عددهم زوجي. وعلشان نوجد الوسيط لعدد زوجي من البيانات. أول حاجة هنعملها هنرتّب البيانات اللي موجودة عندنا.

بعد ما رتبنا البيانات، هنشوف القيمتين اللي موجودين في النص. هنلاقي إن القيمتين دول همّ العشرة والأربعتاشر. والوسيط في الحالة دي هيكون عبارة عن الوسط الحسابي للعددين دول. يعني هنجمع العشرة زائد أربعتاشر، وهنقسم على عددهم اللي هو اتنين. عشرة زائد أربعتاشر بيساوي أربعة وعشرين، على الاتنين بيساوي اتناشر. وبكده يبقى الوسيط لمجموعة البيانات المُعطاة عندنا هيكون بيساوي اتناشر.

وآخر حاجة مطلوبة منّنا هي إيجاد المنوال. المنوال هو القيمة الأكثر تكرارًا أو الأكثر شيوعًا لمجموعة من البيانات. يعني هندوّر في البيانات اللي عندنا على القيم المتكررة. هنلاقي إن القيمة الوحيدة اللي اتكررت في القيم اللي عندنا هي التمنتاشر. وبكده هتكون قيمة المنوال لمجموعة البيانات المعطاة عندنا تمنتاشر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.