فيديو: تكوين الكسور غير الفعلية وتحويلها إلى أعداد كسرية في أبسط صورة

طول غرفة آدم يساوي ١٧٣ بوصة. عبّر بالقدم عن طول غرفته في صورة عدد كسري في أبسط صورة.

٠٣:١٧

‏نسخة الفيديو النصية

طول غرفة آدم يساوي مية تلاتة وسبعين بوصة. عبّر بالقدم عن طول غرفته في صورة عدد كسري في أبسط صورة.

عندنا طول غرفة آدم معطى بالبوصة. ومطلوب إننا نحوّله إلى قدم، ونكتب الناتج في صورة عدد كسري في أبسط صورة. عشان نعرف نحوِّل البوصة إلى قدم هنفتكر إنه الواحد قدم تساوي اتناشر بوصة.

يعني أقدر أقول: إنه مية تلاتة وسبعين بوصة عشان أحوّلها إلى قدم هقسم على اتناشر. هنستخدم القسمة المطوَّلة. مية تلاتة وسبعين على اتناشر. واحد على اتناشر، مش هينفع، هكتب صفر، وهاخد سبعتاشر. سبعتاشر على اتناشر. أقرب عدد إلى سبعتاشر في جدول اتناشر هو اتناشر. واتناشر عبارة عن حاصل ضرب واحد في اتناشر. إذن هكتب واحد … واحد في اتناشر هيساوي اتناشر. وهطرح اتناشر من سبعتاشر. سبعة ناقص اتنين هيساوي خمسة. واحد ناقص واحد هيساوي صفر، وهنزّل التلاتة.

هقسم تلاتة وخمسين على اتناشر. هنفتكر جدول ضرب اتناشر؛ عشان نوصل لأقرب عدد في جدول اتناشر يكون قريّب من تلاتة وخمسين. واحد في اتناشر هيساوي اتناشر. اتنين في اتناشر هيساوي أربعة وعشرين. تلاتة في اتناشر هيساوي ستة وتلاتين. أربعة في اتناشر هيساوي تمنية وأربعين. إذن أقرب عدد من تلاتة وخمسين هو تمنية وأربعين. تمنية وأربعين على اتناشر هيساوي أربعة. إذن هكتب أربعة، وهضرب أربعة في اتناشر هيساوي تمنية وأربعين. وبعدين هطرح تلاتة ناقص تمنية، مش هينفع. تلاتة هتبقى تلتاشر، وخمسة هتبقى أربعة. تلتاشر ناقص تمنية يساوي خمسة. وأربعة ناقص أربعة هيساوي صفر.

هنعبّر عن الناتج في صورة عدد كسري. خارج القسمة هيمثّل العدد الصحيح. المقسوم عليه هيمثّل المقام. وباقي القسمة هيمثّل البسط. يعني هيساوي أربعتاشر وخمسة على اتناشر. ولأنه ما فيش عامل مشترك بين الخمسة والاتناشر، إذن هتكون دي هي أبسط صورة للعدد الكسري.

يعني أقدر أقول: إن طول غرفة آدم هتساوي أربعتاشر وخمسة على اتناشر قدمًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.