فيديو: مقارنة كسور عدد صحيح

ما الكسر الذي يُعبِّر عن الجزء المظلَّل في الشكل (أ)؟ ما الكسر الذي يُعبِّر عن الجزء المظلَّل في الشكل (ب)؟ أيُّ الشكلين يحتوي على الجزء المظلَّل الأكبر؟

٠٤:٢٨

‏نسخة الفيديو النصية

ما الكسر الذي يعبّر عن الجزء المظلّل في الشكل أ؟ ما الكسر الذي يعبّر عن الجزء المظلّل في الشكل ب؟ أي الشكلين يحتوي على الجزء المظلّل الأكبر؟

السؤال بتاعنا هنا متكوّن من تلات أجزاء؛ أول جزء بيسألنا فيه عن الشكل أ اللي هو الشكل ده، عاوزين نعرف إيه الكسر اللي بيعبّر عن الجزء المظلّل؟ تعالوا نشوف، علشان نعرف إيه هو الكسر هنعمل شرطة كسر، ونكتب تحت عدد وفوق عدد، طيب إيه العدد اللي نكتبه تحت؟ العدد اللي بنكتبه تحت عدد الأجزاء كلها، طيب هو عدد الأجزاء في أ كلها كام جزء؟ تعالوا نعدّ: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر، تسعتاشر، عشرين، واحد وعشرين، اتنين وعشرين، تلاتة وعشرين، أربعة وعشرين، خمسة وعشرين. يبقى ده معناه إن عدد الأجزاء كلها خمسة وعشرين، وهنكتبها تحت شرطة الكسر. طيب فوق بقى؟ نكتب عدد الأجزاء الملوّنة بس، فتعالوا نعدّ الأجزاء الملوّنة ونشوفهم كام جزء: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر. كام جزء ملوّن؟ اتناشر جزء ملوّن، يبقى إحنا كده حلّينا أول جزء من السؤال، اللي هو بيسألنا عن الكسر اللي بيعبّر عن الجزء المظلّل في الشكل أ، وطلع اتناشر على خمسة.

بنفس الطريقة هنحل الجزء التاني، اللي هو بيسألنا عن الشكل ب، عاوزين نعرف برضو الكسر اللي بيعبّر عن الجزء الإيه؟ المظلّل، فهنعمل شرطة كسر، وتحت عدد الأجزاء كلها، هنلاحظ إن الشكلين زي بعض؛ فبرضو في ب عدد الأجزاء كلها خمسة وعشرين، طيب بالنسبة بقى للأجزاء المظلّلة؟ تعالوا نعدّها: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر. حداشر جزء مظلّل، يبقى إحنا كده عرفنا الكسر اللي بيعبّر عن الجزء المظلّل في الشكل ب.

نيجي لتالت جزء في السؤال: أي الشكلين يحتوي على الجزء المظلّل الأكبر؟ مين الكبير: الجزء المظلّل اللي في أ ولّا الجزء المظلّل اللي في ب؟ تعالوا نشوف، الجزء المظلّل اللي في أ اتناشر على خمسة وعشرين، والجزء المظلّل اللي في ب حداشر على خمسة وعشرين، العددين اللي تحت زي بعض، تعالوا نكتبهم هنا كده، اتناشر على خمسة وعشرين وحداشر على خمسة وعشرين، العددين اللي تحت هنا زي بعض خمسة وعشرين زي الخمسة وعشرين، فكده مش هنعرف نحكم ونقول مين الكبير، طيب تعالوا بقى نبُص على العدد اللي فوق، بالنسبة للعدد اللي فوق هنا فيه اتناشر وهنا فيه حداشر، مين الكبير: الاتناشر ولّا الحداشر؟ الاتناشر هي الكبيرة؛ فده معناه إن الكسر ده هو الكبير، طب وهو الكسر ده بيمثل الشكل إيه؟ أ؛ فده معناه إن الإجابة بتاع «أي الشكلين يحتوي على الجزء المظلّل أكبر؟»، الإجابة هتكون الشكل إيه؟ أ، أو ممكن نكتب أ كده ونحطها في قوسين.

يبقى إحنا كده جاوبنا على التلات أجزاء بتوع السؤال بتاعنا؛ أول جزء: الشكل أ الجزء المظلّل فيه كام؟ اتناشر على خمسة وعشرين. وتاني جزء: الشكل ب الجزء المظلّل فيه كام؟ حداشر على خمسة وعشرين. وتالت جزء: أي الشكلين أكبر؟ اللي هو أ.

فأمّا بنيجي نكتب الناتج النهائي بتاعنا هنقول: اتناشر على خمسة وعشرين، بعدين فصلة، حداشر على خمسة وعشرين، بعدين فصلة، أ بين قوسين؛ تبقى هي دي الإجابة النهائية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.