تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حل المسائل الكلامية بتكوين معادلات تربيعية تَصِف المساحة

نهال عصمت

طول مستطيل أكبر من عرضه بمقدار ٢ سم. إذا كانت مساحته ٨٠ سم^٢، فما طوله وعرضه.

٠٢:٣٨

‏نسخة الفيديو النصية

طول مستطيل أكبر من عرضه بمقدار اتنين سنتيمتر. إذا كانت مساحته تمانين سنتيمتر تربيع، فما طوله وعرضه؟

عندنا طول مستطيل أكبر من عرضه بمقدار اتنين سنتيمتر. وبالتالي هنفرض إن عرض المستطيل هو س. هيبقى طول المستطيل س زائد اتنين. مساحة المستطيل تساوي الطول في العرض. مساحة المستطيل مُعطى في السؤال هي تمانين. هتساوي … الطول إحنا فرضناه س زائد اتنين، والعرض هو س. هنبدأ نضرب س في كل حدّ من حدود القوس. هيبقى … تمانين هتنزل زيّ ما هي. هتساوي س تربيع زائد اتنين س. هنطرح تمانين من الطرفين. هيبقى عندنا س تربيع زائد اتنين س ناقص تمانين هيساوي صفر.

هنبدأ نحلّل القوس اللي موجود قدامنا؛ عشان نقدر نحسب قيمة س. هيبقى عندنا قوسين. هيساوي صفر. هيبقى عندنا س وَ س، اللي هي س تربيع. والتمانين، عايزين عددين حاصل ضربهم تمانين، وطرحهم يساوي اتنين، اللي هي عشرة وتمنية. والإشارات هتبقى زائد وناقص؛ عشان هتبقى عشرة س ناقص تمنية س باتنين س.

بعد كده هنساوي مرة س زائد عشرة يساوي صفر، وَ س ناقص تمنية تساوي صفر. أول حاجة عندنا س زائد عشرة تساوي صفر. يبقى س هتساوي سالب عشرة. وده حلّ مرفوض؛ عشان ما فيش أطوال بإشارة سالبة. عندنا س ناقص تمنية يساوي صفر. يبقى س هتساوي تمنية. وإحنا عندنا العرض هو س. يبقى العرض هيساوي تمنية سنتيمتر. عايزين نحسب الطول. الطول هيساوي س زائد اتنين، اللي هي تمنية زائد اتنين، بعشرة سنتيمتر. يبقى كده قدرنا نحسب طول وعرض المستطيل.