فيديو: معادلات الحركة بعجلة ثابتة في بُعْد واحد

بدأت عدَّاءة أوليمبية سباقًا بعجلة 4.25m/s^2. ما سرعتها بعد 3.10s؟

٠١:٠٥

‏نسخة الفيديو النصية

بدأت عدّاءة أوليمبية سباقًا بعجلة أربعة وخمسة وعشرين من المية متر على الثانية تربيع. ما سرعتها بعد تلاتة وعشرة من المية ثانية؟

فالعدّاءة بدأت السباق، بعجلة بتساوي أربعة وخمسة وعشرين من المية متر على الثانية تربيع. وده خلّاها تكتسب سرعة. والمطلوب منّنا إن إحنا نعرف السرعة دي، بعد تلاتة وعشرة من المية ثانية. فهنرجع هنا لقانون الحركة، اللي بيقول إن السرعة النهائية بتساوي السرعة الابتدائية، زائد العجلة مضروبة في الزمن.

وبما إن العدّاءة كانت لسّه بتبدأ السباق، فده معناه إن السرعة الابتدائية كانت بصفر. فهنلاقي كده إن المعادلة اختُصرت، وبقت إن السرعة النهائية بتساوي العجلة في الزمن. فهنعوّض بقيمة العجلة، اللي هي أربعة وخمسة وعشرين من المية متر على الثانية تربيع. وقيمة الزمن، اللي هو تلاتة وواحد من العشرة ثانية.

ونقدر نختصر الوحدات، بإننا نختصر الثانية، مع مربع الثانية اللي في المقام. ولمّا نحسب السرعة النهائية، هنلاقيها تقريبًا بتساوي تلتاشر واتنين من العشرة متر على الثانية. وبكده نبقى عرفنا نجيب السرعة النهائية للعدّاءة، بعد زمن معيّن.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.