فيديو: حل المسائل الكلامية التي تتضمَّن النسب

حدة صوت نوتة موسيقية تُقاس بالهرتز، والهرتز عدد موجات الصوت في الثانية. إذا كان تبسيط النسبة بين ترددات نوتتَيْن موسيقيتَيْن مُمكِنًا، فإن النوتتين تكونان متناغمتين. إذا كانت إحدى النوتتين ٤١٤ هرتز والنوتة الأخرى ٥٠٠ هرتز، فهل هاتان النوتتان متناغمتان؟ حدِّد أيضًا النسبة بين تردداتهما في صورة كسر في أبسط صورة.

٠٣:١٠

‏نسخة الفيديو النصية

حدّة صوت نوتة موسيقية تُقاس بالهرتز. والهرتز عدد موجات الصوت في الثانية. إذا كان تبسيط النسبة بين تردُّدات نوتتين موسيقيتين ممكنًا، فإن النوتتين تكونان متناغمتين. إذا كانت إحدى النوتتين أربعمائة وأربعة عشر هرتز، والنوتة الأخرى خمسمائة هرتز، فهل هاتان النوتتان متناغمتان؟ حدّد أيضًا النسبة بين تردُّداتهما في صورة كسر في أبسط صورة.

عشان نعرف إذا كانت النوتتين متناغمتين ولّا لأة، هنكتب النسبة بين تردُّداتهم على صورة كسر، ونشوف هل من الممكن تبسيط النسبة ولّا لأ. النسبة بين النوتتين هتساوي تردُّد النوتة الأولى على تردُّد النوتة التانية، اللي هيساوي ربعمية وأربعتاشر على خمسمية. فبما إن العددين زوجيين، فده معناه إن تبسيط النسبة ممكن، وده معناه إن النوتتيين متناغمتين.

بعدين نحسب النسبة في أبسط صورة، فهنقسم البسط والمقام على اتنين. فهنستخدم القسمة المطوّلة، ونحسب ربعمية وأربعتاشر على اتنين. أول حاجة هنقسم أربعة على اتنين، فهيبقى الناتج بيساوي اتنين. بعدين نضرب اتنين في اتنين، فهيبقى الناتج بيساوي أربعة. بعدين نطرح، فالناتج هيبقى صفر. بعدين ننزّل الواحد ونكمّل.

هنقسم واحد على اتنين، فهيبقى أقرب ناتج هو الصفر. بعدين نضرب صفر في اتنين، فهيبقى الناتج صفر. بعدين نطرح واحد ناقص صفر هيساوي واحد. بعدين ننزّل أربعة ونكمل.

ونقسم أربعتاشر على اتنين، فهيبقى الناتج هو سبعة. بعدين نضرب سبعة في اتنين، فهيبقى الناتج بيساوي أربعتاشر. بعدين نطرح أربعتاشر ناقص أربعتاشر هيساوي صفر.

بعد كده نقسم خمسمية على اتنين. فنبدأ بالخمسة، فخمسة على اتنين، هيبقى أقرب ناتج ليها هو اتنين. بعدين نضرب اتنين في اتنين هيساوي أربعة، فنكتب أربعة. بعدين نطرح خمسة ناقص أربعة هيساوي واحد. بعدين ننزل الصفر ونكمّل.

ونقسم عشرة على اتنين، فهيبقى الناتج هو خمسة. فنضرب خمسة في اتنين، فهيبقى الناتج بيساوي عشرة. بعدين نطرح عشرة ناقص عشرة هيساوي صفر. بعدين هننزّل الصفر ونكمّل. فصفر على اتنين هيساوي صفر. بعدين نضرب صفر في اتنين هيساوي صفر. بعدين نطرح صفر ناقص صفر هيساوي صفر.

يبقى ربعمية وأربعتاشر على خمسمية، بعد قسمة البسط والمقام على اتنين، هيساوي ميتين وسبعة على ميتين وخمسين. ودي أبسط صورة للنسبة بين النوتتين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.