نسخة الفيديو النصية
تصنع إحدى الشركات أحواض الاستحمام في مجموعة متنوعة من الأشكال المختلفة. أوجد قياس الزاوية الداخلية للطراز الذي على شكل تُساعي منتظم.
علشان نوجد مجموع قياسات الزوايا الداخلية للشكل التُّساعي، هنستخدم القاعدة: ن ناقص اتنين في مية وتمانين؛ حيث ن هو عدد أضلاع المضلع. وبما إن المضلع هو شكل تُساعي منتظم، يبقى هنعوّض عنه في القاعدة بتسعة، يبقى ده هيساوي تسعة ناقص اتنين في مية وتمانين، تسعة ناقص اتنين هيساوي سبعة، ولمّا هنضربه في مية وتمانين حاصل الضرب هيساوي ألف وميتين وستين درجة، وده مجموع القياسات الداخلية للمضلع التُّساعي المنتظم.
يبقى عشان نعرف قياس الزاوية الداخلية ليه، هنقسم مجموع قياسات الزوايا اللي هو ألف وميتين وستين، على عدد أضلاعه اللي هو تسعة. يبقى قياس الزاوية الداخلية للشكل التُّساعي المنتظم هيساوي ألف وميتين وستين على تسعة. وباستخدام الآلة الحاسبة ده هيساوي مية وأربعين درجة.
