فيديو: الجمع باستعمال خط الأعداد

سارة سليمان

يوضِّح الفيديو كيفية استخدام خط الأعداد لإيجاد ناتج الجمع.

٠٣:٣٨

‏نسخة الفيديو النصية

هنتكلم عن الجمع باستعمال خط الأعداد. هنتعلم إزاي نستعمل خط الأعداد لإيجاد ناتج الجمع.

يعني مثلًا عشان أجيب ناتج جمع خمسة زائد تلاتة على خط الأعداد. هبتدي بالعدد الأكبر وهو خمسة، وبعدين هعدّ تصاعديًّا بعده تلات عدات. يعني بعد الخمسة ستة، سبعة، تمنية. إذن ناتج جمع خمسة زائد تلاتة هيساوي تمنية. هنكمل في الصفحة اللي جاية.

مثال: استعمل خط الأعداد لإيجاد ناتج الجمع. رقم واحد: اتنين زائد ستة.

هبتدي بالعدد الأكبر وهو ستة، وبعدين هعِدّ بعد الستة تصاعديًّا عدتين، أو هنط نطتين: سبعة، تمنية. إذن ناتج جمع اتنين زائد ستة هيساوي تمنية.

رقم اتنين: تمنية زائد اتنين.

هبتدي بالعدد الأكبر وهو تمنية. وبعدين هعِدّ بعد التمنية عدتين تصاعديًّا، أو هنط نطتين. بعد التمنية: تسعة، عشرة. إذن ناتج جمع تمنية زائد اتنين هيساوي عشرة.

رقم تلاتة: واحد زائد أربعة.

هبتدي بالعدد الأكبر وهو أربعة، وبعدين هعِدّ عَدّة واحدة تصاعديًّا بعد الأربعة، أو هنط نطة واحدة. بعد الأربعة هييجي خمسة. إذن واحد زائد أربعة هيساوي خمسة.

هنكمل في الصفحة اللي جاية. رقم أربعة: سبعة زائد تلاتة.

هبتدي بالعدد الأكبر وهو سبعة، وبعدين هعِدّ تلات عدات تصاعديًّا بعد السبعة، أو هنط تلات نطات: تمنية، تسعة، عشرة. إذن ناتج جمع سبعة زائد تلاتة هو عشرة.

رقم خمسة: ستة زائد أربعة.

هبتدي بالعدد الأكبر وهو ستة، وبعدين هعِدّ بعد الستة أربع عدات تصاعديًّا، أو هنط أربع نطات. بعد الستة سبعة تمنية تسعة عشرة. إذن ناتج جمع ستة زائد أربعة هيساوي عشرة.

هنكمّل في الصفحة اللي جاية. تدريبات: استعمل خط الأعداد للجمع.

رقم واحد: واحد زائد أربعة.

هبتدي بالعدد الأكبر وهو أربعة، وهعِدّ بعد الأربعة تصاعديًّا عدة واحدة، أو هنط نطة. بعد الأربعة هييجي خمسة. إذن واحد زائد أربعة هيساوي خمسة.

رقم اتنين: تسعة زائد تلاتة.

هبتدي بالعدد الأكبر وهو تسعة. وبعد التسعة هنط تلات نطات، أو هعِدّ تلات عدات تصاعديًّا. إذن بعد التسعة: عشرة، حداشر، اتناشر. إذن ناتج جمع تسعة زائد تلاتة هيساوي اتناشر.

رقم تلاتة: سبعة زائد واحد.

هبتدي بالعدد الأكبر وهو سبعة، وبعدين هعِدّ عدة واحدة، أو هنط نطة واحدة بعد السبعة. بعد السبعة: تمنية. إذن سبعة زائد واحد هيساوي تمنية.

وبكده هنكون اتعلّمنا إزاي نستعمل خط الأعداد لإيجاد ناتج الجمع. ببتدي بالعدد الأكبر، وبعدين أعِدّ تصاعديًّا، أو أنُط على خط الأعداد بعدد عَدّات العدد الأصغر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.