فيديو السؤال: إيجاد قطر مربع بمعلومية مساحته

نسخة الفيديو النصية

مساحة المربع أ ب ج د تساوي تسعة على اتنين سنتيمتر مربع. اوجد طول ب د.

مساحة المربع نقدر نجيبها بطريقتين. إما إن مساحة المربع بتساوي طول الضلع في نفسه. أو بتساوي نص حاصل ضرب طولا قطريه.

مطلوب مننا طول ب د. ب د ده قطر. بالتالي هنشتغل بمساحة المربع بتساوي نصف حاصل ضرب طولا قطريه. مساحة المربع بتساوي تسعة على اتنين وده بيساوي نصف حاصل ضرب طولا القطرين. نعرف إن القطرين متساويين. يبقى حاصل ضربهم هيساوي مربع أحدهم. يعني ب د تربيع.

ولو ضربنا طرفَي المعادلة في اتنين. هنلاقي إن ب د تربيع بيساوي تسعة. هناخد الجذر التربيعي للطرفين. هيبقى ب د بيساوي تلاتة سنتيمتر. وبكده المطلوب هو طول ب د. ب د يساوي تلاتة سنتيمتر.