فيديو: إيجاد العلاقة بين خطين مستقيمين بمعلومية إحداثيات النقاط التي تقع عليهما

إذا كانت إحداثيات النقاط ﺃ، ﺏ، ﺟ، د هي (−١٥، ٨)، (−٦، ١٠)، (−٨، −٧)، (−٦، −١٦) على الترتيب، فحدِّد هل ﺃﺏ، ﺟد متوازيان، أم متعامدان، أم ليسا متوازيَيْن ولا متعامدَيْن.

٠٢:٣٧

‏نسخة الفيديو النصية

إذا كانت إحداثيات النقاط أ، وَ ب، وَ ﺟ، وَ د؛ هي: سالب خمستاشر وتمنية، سالب ستة وعشرة، سالب تمنية وسالب سبعة، سالب ستة وسالب ستاشر، على الترتيب؛ فحدّد هل الـ أ ب والـ ﺟ د متوازيان، أم متعامدان، أم ليسا متوزايين ولا متعامدين.

إمتى بيكون الخطوط المستقيمة متوازية أو متعامدة؟ لو كان الميل لواحد يساوي الميل للتاني، يبقى معناها إن هم متوازيان، يعني لهم نفس الميل؛ لو كانوا م واحد يساوي سالب واحد على م اتنين، يبقى معنى كده إن هم متعامدان.

هنوجد الميل للـ أ ب، والـ ﺟ د، ونشوف الميل إيه علاقته بالميل التاني. ميل الخط المستقيم بيساوي ص اتنين ناقص ص واحد، على س اتنين ناقص س واحد؛ حيث الـ س واحد ص واحد والـ س اتنين ص اتنين دي نقاط تقع على الخط المستقيم.

يبقى ميل الـ أ ب هيساوي ص اتنين ناقص ص واحد، اللي هي النقطتين أ وَ ب دول. ص اتنين قيمتها عشرة اللي هي دي، ناقص الـ ص واحد اللي هي قيمتها تمنية؛ يبقى عشرة ناقص تمنية. هنا دي س اتنين، ودي س واحد؛ يبقى على … الـ س اتنين سالب ستة، ناقص السالب خمستاشر؛ يبقى عشرة ناقص تمنية هتبقى اتنين، سالب ستة ناقص سالب خمستاشر هتبقى تسعة.

بنفس الطريقة هنوجد ميل ﺟ د؛ يبقى ص اتنين ناقص ص واحد، اللي هي سالب ستاشر ناقص سالب سبعة؛ على س اتنين ناقص س واحد، يبقى سالب ستة ناقص سالب تمنية؛ هتساوي سالب ستاشر زائد سبعة، على سالب ستة زائد تمنية؛ تساوي سالب تسعة على اتنين.

ده ميل واحد، وده ميل اتنين؛ هنلاحظ إن م واحد هتساوي سالب واحد على م اتنين،يعني مقلوبة ومضروبة في إشارة مخالفة؛ يبقى أ ب وَ ﺟ د متعامدان.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.