فيديو: تحديد إذا ما كانت العلاقات دوالَّ أو لا

أيُّ علاقة من العلاقات الآتية يُمثِّل دالة، إذا كانت ﺱ هي القيمة المدخلة وﺹ القيمة المخرجة؟

٠١:٤٦

‏نسخة الفيديو النصية

أي علاقة من العلاقات الآتية يمثّل دالة، إذا كانت س هي القيمة المُدخلة وَ ص القيمة المُخرجة؟ ومعطى عندنا العلاقتين؛ اللي هم: العلاقة أ، والعلاقة ب. ومطلوب في السؤال إننا نحدّد أي علاقة من العلاقات اللي عندنا بيمثّل دالة.

وفي الأول خلّينا نفتكر إيه هي الدالة؛ الدالة هي العلاقة التي تعيّن لكل قيمة من المُدخلات قيمة واحدة فقط من المُخرجات؛ فمعنى كده إننا عشان نشوف أنهي علاقة من العلاقتين أ وَ ب اللي بتمثّل دالة، فهنشوف أنهي علاقة فيهم اللي فيها كل قيمة من المُدخلات ليها قيمة واحدة فقط من المُخرجات؛ فمعنى كده إن ما ينفعش يكون فيه قيمتين مُدخلة في العلاقة، ليهم نفس القيمة المُخرجة.

فلمّا نيجي نشوف العلاقة ب، هنلاحظ إن عندنا قيمتين مُدخلتين متكرّرين؛ اللي هم: سالب اتنين، وسالب اتنين. وزي ما عرفنا من تعريف الدالة، إن الدالة هي العلاقة اللي بتعيّن لكل قيمة من المُدخلات قيمة واحدة فقط من المُخرجات، فمعنى كده إن علاقة ب مش بينطبق عليها الشرط ده؛ فبالتالي هي مش دالة؛ لأن لمّا كان عندنا قيمة من المُدخلات اللي هي سالب اتنين، فطلع إن عندنا ليها قيمتين من المُخرجات عكس التعريف، اللي هو لازم يكون ليه قيمة واحدة فقط من المُخرجات.

لكن لو جينا نلاحظ العلاقة أ، هنلاحظ إن ما فيش قيم متكرّرة في المُدخلات؛ وبالتالي العلاقة أ هي اللي بتمثل دالة، وبالتالي هتبقى الإجابة هي العلاقة أ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.