تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: التعبير عن مجموعة من المعادلات الآنية في صورة معادلة مصفوفة

أحمد لطفي

عبِّر عن المعادلات الآنية الآتية في صورة معادلة مصفوفة. ٣ﺱ = ١٢ + ٥ﺹ + ٢ﻉ، ﺱ − ٥ﺹ = ٢١، ١١ﺱ − ٨ﺹ = −١٠ + ٢ﻉ.

٠٣:١٣

‏نسخة الفيديو النصية

عبر عن المعادلات الآنيّة الآتية في صورة معادلة مصفوفة.

أول معادلة: تلاتة س بتساوي اتناشر زائد خمسة ص زائد اتنين ع.

تاني معادلة: س ناقص خمسة ص بتساوي واحد وعشرين.

تالت معادلة: حداشر س ناقص تمنية ص بتساوي سالب عشرة زائد اتنين ع.

في البداية عشان نقدر نعبّر عن المعادلات في صورة معادلة مصفوفة؛ فمحتاجين نوجِد المتغيرات في طرف لوحدهم، والحد الثابت في طرف لوحده؛ وبالتالي بالنسبة لأول معادلة اللي هي تلاتة س بتساوي اتناشر زائد خمسة ص زائد اتنين ع، هنطرح خمسة ص من الطرفين، فهيكون عندنا تلاتة س ناقص خمسة ص بتساوي اتناشر زائد اتنين ع، هنطرح اتنين ع من الطرفين، فهيكون عندنا تلاتة س ناقص خمسة ص ناقص اتنين ع هيساوي اتناشر؛ وبالتالي هتكون دي أول معادلة.

وبالنسبة لتاني معادلة س ناقص خمسة ص بتساوي واحد وعشرين، فهنجد المتغيرات في طرف لوحدهم؛ وبالتالي هتكون دي تاني معادلة.

وبالنسبة لتالت معادلة حداشر س ناقص تمنية ص بتساوي سالب عشرة زائد اتنين ع، هنطرح اتنين ع من الطرفين، فهيكون عندنا حداشر س ناقص تمنية ص ناقص اتنين ع بتساوي سالب عشرة، وهتبقى دي تالت معادلة.

وبالتالي التلات معادلات اللي عندنا هيكونوا … فالتلات معادلات هيكونوا بالشكل ده، لو عايزين نعبّر عنهم في صورة معادلة مصفوفة فالمصفوفة هتكون بالشكل ده؛ أول صف هنكتب فيه المعادلة الأولى، تاني صف هنكتب فيه المعادلة التانية، تالت صف هنكتب فيه المعادلة التالتة. وبالنسبة لأول عمود فهيكون فيه معاملات س، وبالنسبة لتاني عمود فهيكون فيه معاملات ص، وبالنسبة لتالت عمود فهيكون فيه معاملات ع. وبالنسبة للمصفوفة دي فهيكون فيها المتغيرات، وبعدين علامة يساوي، وبالنسبة للمصفوفة دي فهيكون فيها الثوابت.

أول حاجة بالنسبة للمتغيرات عندنا س وَ ص وَ ع؛ وبالتالي هنكتبهم في صورة مصفوفة، النَّظم بتاعها تلاتة في واحد، فهيكون عندنا س وَ ص وَ ع بالشكل ده، وبالنسبة لأول معادلة فعندنا معامل س هيكون بيساوي تلاتة، ومعامل ص هيساوي سالب خمسة، ومعامل ع هيساوي سالب اتنين، والحد الثابت هيكون اتناشر.

وبالنسبة لتاني معادلة هيكون عندنا مُعامل س بيساوي واحد، معامل ص بيساوي سالب خمسة، معامل ع بيساوي صفر، والثابت هيكون واحد وعشرين.

وبالنسبة لتالت معادلة عندنا معامل س هيساوي حداشر، معامل ص هيساوي سالب تمنية، معامل ع هيساوي سالب اتنين، والحد الثابت هيساوي سالب عشرة.

يبقى كده قدرنا نعبّر عن المعادلات في صورة معادلة مصفوفة.