فيديو: إيجاد قيمة المقدار الجبري

احسب ٩ﻝ − ﻥ + ٣؛ حيث ﻥ = ٢، ﻝ = ٥.

٠١:١٨

‏نسخة الفيديو النصية

احسب تسعة ل ناقص ن زائد تلاتة؛ حيث ن تساوي اتنين، وَ ل تساوي خمسة.

يعني معطى عندنا المقدار ده، وعايزين نحسب قيمته. ومعطى عندنا في السؤال إن ن بتساوي اتنين، وَ ل بتساوي خمسة. فعشان نوجد قيمة المقدار، يبقى هنعوّض عن ل بخمسة في المقدار، وعن ن باتنين. فلمّا نعوّض هيبقى المقدار تسعة في خمسة، ناقص اتنين زائد تلاتة. فهنلاحظ إننا عندنا هنا عملية ضرب، اللي هي تسعة في خمسة، وعندنا عملية طرح، وعملية جمع.

وخلّينا نفتكر من ترتيب العمليات إننا بنقوم بعمل عمليات الضرب والقسمة أولًا، بعد كده بنعمل عمليات الجمع والطرح. فأول حاجة هنعملها إننا هنضرب تسعة في خمسة واللي هتساوي خمسة وأربعين. بعد كده هنعمل عمليات الطرح والجمع.

فزي ما قلنا إن إحنا بنعمل عمليات الطرح والجمع مع بعض، فبالتالي هنمشي من اليمين للشمال. ففي الأول هيبقى عندنا خمسة وأربعين ناقص اتنين، فلمّا نحسبها هتبقى بتساوي تلاتة وأربعين. بعد كده تلاتة وأربعين زائد تلاتة هتساوي ستة وأربعين، فبالتالي هتبقى قيمة المقدار هي ستة وأربعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.