فيديو: التحويل من الكوارت إلى جالونات

كم جالونًا في ٧٥ كوارت؟

٠١:٢٦

‏نسخة الفيديو النصية

كم جالون في خمسة وسبعين كوارت؟

محتاجين هنا نحوّل من الكوارت للجالون. طيب هو الجالون أصلًا فيه كام كوارت؟ الجالون الواحد فيه أربعة كوارت. يبقى الواحد جالون يساوي أربعة كوارت. وده معناه إننا لو عُزنا نحوّل من الجالون للكوارت، بنضرب في أربعة.

طيب لو عُزنا نحوّل من الكوارت للجالون؟ بنقسم على أربعة. طب السؤال بتاعنا بقى بيقول لنا إيه؟ بيقول لنا كام جالون في خمسة وسبعين كوارت؟ يبقى إحنا عندنا خمسة وسبعين كوارت وعاوزين نحوّلها للجالون. إحنا لسه قايلين إننا لمّا بنحوّل من الكوارت للجالون، بنقسم على أربعة.

يبقى معنى كده إن إحنا هنعمل إيه؟ هنقسم خمسة وسبعين على أربعة. خمسة وسبعين على أربعة بتساوي تمنتاشر وتلات تربع. يبقى معنى كده إن خمسة وسبعين كوارت بتساوي تمنتاشر وتلات تربع جالون. وتبقى الإجابة هي تمنتاشر وتلات تربع جالونًا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.