فيديو: دراسة جسم يرتكز في وضع اتزان على مستوى مائل أملس بواسطة قوى مائلة

جسم وزنه و، وضع على مستوى أملس يميل على الأفقي بزاوية قياسها ٦٠°. ظل الجسم في حالة اتّزان تحت تأثير قوة مقدارها ٥٤ نيوتن، تؤثر في اتجاه أعلى الميل، وتوازي خط أكبر ميل. أوجد مقدار رد الفعل للمستوى على الجسم ووزن الجسم و.

٠٢:٥٥

‏نسخة الفيديو النصية

جسم وزنه و، وضع على مستوى أملس يميل على الأفقي بزاوية قياسها ستين درجة. ظل الجسم في حالة اتّزان تحت تأثير قوة مقدارها أربعة وخمسين نيوتن، تؤثر في اتجاه أعلى الميل، وتوازي خط أكبر ميل. أوجد مقدار رد الفعل للمستوى على الجسم، ووزن الجسم و.

لمّا هنرسم الرسم هيبقى بالشكل ده. مستوى مائل بزاوية ستين درجة. والجسم وزنه و يؤثر عليه قوة ق لأعلى، وبيبقى فيه رد فعل للمستوى اللي هو الـ ر. الزاوية دي بتساوي ستين درجة. نفس زاوية ميل المستوى. والزاوية دي قيمتها تلاتين درجة؛ لأن الخطين لونهم أخضر دول واحد عمودي على المستوى، وواحد موازي للمستوى، بيبقوا متعامدين على بعض؛ فقيمة الزاوية ما بينهم بتبقى تسعين درجة. الزاوية دي كمان قيمتها تسعين درجة. يبقى الزاوية دي كلها مية وعشرين درجة. ودي كمان تسعين درجة. يبقى الزاوية دي كلها مية وخمسين درجة.

بما إن فيه تلات قوى بتأثّر على الجسم، والجسم في حالة اتزان. يبقى نقدر نستخدم قاعدة لامي: القوة ق على الزاوية اللي ما بين القوتين الآخرين، اللي هو ما بين الـ و والـ ر، اللي هي جا مية وعشرين درجة. هتساوي الـ ر القوة التانية على جا الزاوية ما بين القوتين الآخرتين، اللي هو مية وخمسين درجة. هتساوي القوة التالتة و على جا الزاوية ما بين القوتين الآخرتين، اللي هو تسعين درجة. الـ ق معطاة بأربعة وخمسين نيوتن. يبقى بمعلومية القوى الأربعة وخمسين نقدر نوجد الـ ر ونوجد الـ و. يبقى الـ ر على جا مية وخمسين درجة هتساوي أربعة وخمسين على جا مية وعشرين درجة. يبقى الـ ر هتساوي أربعة وخمسين على جا مية وعشرين، مضروبة في الـ جا مية وخمسين درجة. يبقى الـ ر هتساوي تمنتاشر جذر تلاتة نيوتن.

هنوجد الـ و بنفس الطريقة. يبقى الـ و على جا تسعين درجة، هتساوي أربعة وخمسين على جا مية وعشرين درجة. الـ جا تسعين قيمتها واحد، يبقى الـ و هتساوي الأربعة وخمسين على الـ جا مية وعشرين درجة. يبقى الـ و هتساوي ستة وتلاتين جذر تلاتة نيوتن. ويبقى هي دي قيمة الـ ر وقيمة الـ و المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.