فيديو: حساب مقادير الأعداد الكسرية ذات الحد الوحيد الموجب لأس صحيح سالب

أيٌّ من التالي يساوي (٤/٣ ٢)^−٢؟ [أ] ١٢١/١٦ [ب] −٦/٩ ٤ [ج] −١٦/١٢١ [د] ٩/٢٤ [ﻫ] −٢٢/−٨

٠٢:١٣

‏نسخة الفيديو النصية

أيٌّ من التالي يساوي اتنين وتلاتة على أربعة لكل أس سالب اتنين؟

يبقى هنكتب أول حاجة اتنين وتلاتة على أربعة لكل أس سالب اتنين، ونحاول نبسّطها؛ بحيث إن إحنا نشوف قيمتها بكام. فهنلاقي عندنا إن بين الأقواس بنلاحظ إن فيه عدد كسري نقدر نحوّله لكسر غير فعلي. يبقى هنكتب كده القوس أُس سالب اتنين، وجوه القوس هنحوّل العدد الكسري زي ما قلنا لكسر غير فعلي. وده بيتم كالتالي.

فطريقة التحويل بتكون كالتالي: بنضرب الجزء الصحيح في مقام الجزء الكسري، يبقى اتنين في أربعة بتمنية. بعد كده بنجمع الناتج على البسط اللي هو تلاتة. يبقى تمنية وتلاتة حداشر. إذن هيتحوّل العدد الكسري للكسر الغير فعلي حداشر، على نفس مقام الجزء الكسري اللي هو عبارة عن أربعة. وبما أن أ على ب أس سالب ن بيساوي ب على أ لكل أس ن. يعني لو كان الأُس سالب ممكن نقلب البسط مكان المقام والمقام يكون مكان البسط. وبالتالي الأس يتحوّل لموجب.

يبقى بنكتب كده حداشر على الأربعة لكل أس سالب اتنين، هيساوي أربعة على الحداشر لكل أس اتنين. وبما إن أ على ب لكل أس ن، ممكن نوزّع الأس. فبنلاقي عندنا الناتج هيكون عبارة عن أ أس ن على ب أس ن. يبقى الناتج هيساوي أربعة أس اتنين على حداشر أس اتنين. فبنلاقي إن أربعة أس اتنين الناتج هيكون بستاشر، وحداشر أس اتنين الناتج هيكون عبارة عن مية واحد وعشرين. وبالتالي يبقى الاختيار الصحيح هيكون هو الاختيار أ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.