فيديو: استخدام القيمة المكانية في كتابة الأعداد بالحروف والأرقام

اكتب العدد ٤٦٥‎٢٣٢ بالحروف.

٠٢:٤٨

‏نسخة الفيديو النصية

اكتب العدد ٤٦٥‎٢٣٢ بالحروف.

دلوقتي العدد اللي عندنا ده، لو جينا نشوف بيتكون من كام رقم: واحد، اتنين، تلاتة، أربعة، خمسة، ستة. فهنكوّن جدول القيم المكانية بعدد ست خانات مكانية. يعني بعدد الأرقام اللي بيتكوّن منها العدد اللي عندنا. بنبدأ بالآحاد. وبعدين العشرات. وبعدين المئات. وبعدين الألوف. بعدين عشرات الألوف. وبعدين مئات الألوف.

بنبدأ نحطّ الأرقام اللي بيتكوّن منها العدد اللي عندنا؛ كل رقم في الخانة الخاصة بيه. فأول رقم على اليمين بيبقى في خانة الآحاد. الرقم اللي بعده بيبقى في خانة العشرات. واللي بعده في خانة المئات. واللي بعده في خانة الألوف. واللي بعده في خانات عشرات الألوف. وآخر رقم كده هيبقى موجود في خانة مئات الألوف.

كل تلات أرقام من الأرقام اللي بيتكوّن منها العدد، بنقسّمها إلى قسم. فأول تلات أرقام من جهة اليمين، ده قسم الوحدات أو الآحاد. التلات أرقام اللي بعد كده، ده بيبقى قسم الألوف. ودايمًا لمّا بنيجي نبدأ نقرا أيّ عدد عندنا، بنبدأ من أكبر قسم فيه، اللي هو أول قسم من جهة اليسار. اللي هو في الحالة بتاعتنا دي، قسم الألوف.

هنبتدي نشوف الأرقام اللي موجودة جوّه قسم الألوف. هنلاقي إن عندنا أربعة في خانة مئات الألوف، يعني ٤٠٠٠٠٠. وستة جوّه خانة عشرات الألوف، يعني ٦٠٠٠٠. وخمسة جوّه خانة الألوف، يعني ٥٠٠٠. يعني نقدر نعتبرهم ٤٦٥٠٠٠.

بعد كده نروح قسم الوحدات، ونبتدي نشوف الأرقام اللي بداخل قسم الوحدات. هنلاقي إن عندنا ٢ في خانة المئات، يعني ٢٠٠. ٣ في خانة العشرات، يعني ٣٠. ٢ في خانة الآحاد، يعني زيّ ما هي ٢. فقسم الوحدات بنقراه: ٢٣٢. يبقى كده قسم الوحدات عبارة عن ٢٣٢.

يبقى لمّا نيجي نقرا العدد اللي عندنا. إحنا دايمًا بنبتدي من الشمال، من أكبر قسم من الأقسام اللي بيتكوّن منها العدد، اللي هو قسم الألوف. فهنقراه: ٤٦٥٢٣٢. ويبقى لمّا نيجي نكتب العدد ده، باللغة العربية الفصحى ربعمية خمسة وستين ألف دي، بنكتبها: أربعمائة خمسة وستون ألفًا. وميتين اتنين وتلاتين، بنكتبها: مائتان واثنان وثلاثون. ويبقى كده قدرنا نكتب العدد اللي عندنا بالحروف: أربعمائة خمسة وستون ألفًا ومائتان واثنان وثلاثون.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.