فيديو: مقارنة عددين كبيرين في الصيغة اللفظية والعددية

‏نسخة الفيديو النصية

باستخدام أصغر من أو يساوي أو أكبر من. أكمل: تسعمائة وعشرون مليونًا وثمانية وعشرون ألفًا وستمائة وستة عشر، نقط، تسعمية وعشرين مليون تمنية وعشرين ألف ستمية واحد وستين.

دلوقتي العدد الأول اللي عندنا مكتوب بالصيغة اللفظية، عايزين نكتبه بالصورة القياسية، اللي العدد فيها بيبقى مكتوب بالأرقام. هنبتدي نشوف تسعمائة وعشرون مليونًا؛ يعني ده قسم الملايين، هنكتب فيه تسعمية وعشرين، كده تسعمية وعشرين مليونًا. القسم اللي بعد كده ثمانية وعشرون ألفًا. يبقى قسم الألوف فيه تمنية وعشرين، ده معناه إن مئات الألوف هيبقى فيها صفر. وآخر قسم اللي هو قسم الآحاد أو الوحدات ستمائة وستة عشر؛ يعني ستمية وستاشر.

يبقى كده حوّلنا العدد الأول اللي مكتوب عندنا بالصورة اللفظية إلى الصورة القياسية. هنكتب العدد التاني تحته في جدول القيم المكانية بالشكل ده. هنبدأ نقارن العددين ودايمًا بنبدأ المقارنة من أكبر خانة مكانية عندنا، اللي هي هنا خانة مئات الملايين. هنلاقي إن الرقم اللي موجود في العدد الأول متساوي مع اللي موجود في العدد التاني في الخانة دي.

نشوف الخانة اللي بعدها على طول، اللي هي خانة عشرات الملايين، هنلاقي إن برضو الرقمين اللي فيها متساويين. وبالمثل خانة الملايين. وخانة مئات الألوف. وخانة عشرات الألوف. وخانة الألوف. وخانة المئات.

أول اختلاف هنشوفه في خانة العشرات. هنلاقي إن الرقم اللي في الخانة دي في العدد اللي فوق، أقل من الرقم اللي موجود في نفس الخانة في العدد اللي تحت. ده معناه إن العدد الأول أقل من العدد التاني. ويبقى التكملة المناسبة للجملة اللي عندنا هي علامة أصغر من.