فيديو: استخدام المعادلات ونماذج الأعمدة لتمثيل عبارات المقارنة باستخدام الضرب

ما الشبكة التي توضّح أن العدد ٢٨ يساوي ٤ أمثال العدد ٧؟ [أ] شكل أ [ب] شكل ب [ج] شكل ﺟ [د] شكل د [ﻫ]شكل ﻫ

٠١:٤٥

‏نسخة الفيديو النصية

ما الشبكة التي توضّح أن العدد تمنية وعشرين يساوي أربع أمثال العدد سبعة؟

وعندنا خمس اختيارات، كل اختيار فيهم بيمثّل شبكة معينة. وكل شبكة فيها أعمدة وصفوف. ومن خلال حاصل ضرب عدد مربعات الصف، في عدد مربعات العمود؛ هنقدر نعرف الشبكة دي بتمثّل أنهي عدد. وفي المثال بتاعنا عايزين نلاقي الشبكة اللي بتمثّل العدد تمنية وعشرين. واللي بتوضح إن العدد تمنية وعشرين بيساوي أربع أمثال العدد سبعة.

في الاختيار الأول، الشبكة بتوضّح سبع أعمدة، وخمس صفوف. يعني حاصل ضرب سبعة في خمسة، واللي بيساوي خمسة وتلاتين، مش تمنية وعشرين. علشان كده الاختيار ده مش هيكون هو الاختيار الصحيح. أمّا الاختيار التاني، فيه الشبكة بتوضّح ست أعمدة، وأربع صفوف. يعني حاصل ضرب ستة في أربعة، واللي بيساوي أربعة وعشرين. وبالتالي برضو مش هتكون الإجابة الصحيحة.

والاختيار التالت عبارة عن شبكة فيها سبع أعمدة، وتلات صفوف. وسبعة في تلاتة بيساوي واحد وعشرين. وبالتالي الإجابة ج هتكون إجابة خاطئة. وكمان الاختيار الرابع هيكون اختيار خاطئ. لأن الشبكة فيه عبارة عن تمن أعمدة، وأربع صفوف. وتمنية في أربعة بيساوي اتنين وتلاتين، مش تمنية وعشرين.

والإجابة الصحيحة هتكون هي الاختيار الخامس. لأن الشبكة عبارة عن سبع أعمدة، وأربع صفوف. وحاصل ضرب أربعة في سبعة بيساوي تمنية وعشرين. ومعناها إن العدد سبعة اتكرّر بالفعل أربع مرات. يعني العدد تمنية وعشرين بيساوي أربع أمثال العدد سبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.