فيديو: تكوين أشكال ثلاثية الأبعاد من الشبكات المصفوفة

يوضح الفيديو كيفية تكوين أشكال ثلاثية الأبعاد باستخدام الشبكات المصفوفة.

٠٤:٤٣

‏نسخة الفيديو النصية

تكوين أشكال ثلاثية الأبعاد من الشبكات المصفوفة.

في الفيديو ده هنعرف إيه هي الشبكات المصفوفة. وإزّاي نستخدمها علشان نكوّن بيها شكل ثلاثي الأبعاد. الشبكة المصفوفة هي شكل ثنائي الأبعاد. يعني له بُعدين؛ طول وعرض. بنجزّؤه أو بنقسّمه لأجزاء معينة. بعدين بِنِتْنيه عدد معيّن من التنيات؛ علشان ينتج لنا شكل ثلاثي الأبعاد.

لو عندنا شبكة مصفوفة بالشكل ده. متقسّمة لستّ أجزاء. واحد، اتنين، تلاتة، أربعة، خمسة، ستة. هنِتْني الأجزاء دي بشكل معيّن؛ علشان نحصل في الآخر على شكل ثلاثي الأبعاد. فلو تنينا الجزء رقم واحد، هتكون الشبكة بالشكل ده. ولو تنينا بعدها الجزء رقم أربعة، هتكون الشبكة بالشكل ده. وده الجزء رقم أربعة بعد ما اتَّنى.

بعدين هنِتْني الجزء رقم خمسة. ده شكل الجزء الخامس بعد ما اتَّنى. بعدين هنِتْني الجزء رقم ستة. وده شكل الجزء رقم ستة بعد ما اتَّنى. بعدين هنوقّف الجزء رقم اتنين. وده شكله بعد ما وقفنا الجزء رقم اتنين. بعدين هنضمّه كويس ونلزقه. ده شكله بعد ما لزقنا الجوانب. وآخر حاجة هنعملها، هي إننا هنلزق السقف بتاعه، أو السطح بتاعه. وبكده نكون حوّلنا الشبكة المصفوفة، لشكل ثلاثي الأبعاد، اسمه مكعب.

هناخد كمان شبكة مصفوفة، ونحوّلها بسرعة لشكل ثلاثي الأبعاد. قبل ما نحوّل الشبكة دي، عاوزين نتخيّل الأول هي ممكن تدّينا مجسّم اسمه إيه. أو شكل ثلاثي الأبعاد اسمه إيه.

فلو ركّزنا شوية، هنلاقي إنها مكونة من مثلثات. فهتكوّن شكل قاعدته على شكل مثلث. كمان باقي جوانبها كلها، على شكل مثلثات. يبقى الشكل ده هيكوّن لنا هرم ثلاثي.

لو تَنِينا المثلث الأول ده، بالشكل ده … ودي صورته وهو مَتْني من زاوية تانية؛ علشان نتخيّلوا أحسن. بعدين تَنِينا المثلث ده. وده شكله بعد ما اتَّنى. بعدين تَنِينا آخِر مثلث، وهو ده. فهيكون التلات مثلثات، شكلهم وهم مَتْنِيين كده.

بعدين نضمّهم، ونلزقهم كلهم من فوق. هنلاقي إن هم بيتقابلوا في نقطة، وهي راس الهرم. النقطة دي. وبكده نكون حوّلنا كمان شبكة مصفوفة، لشكل ثلاثي الأبعاد. وهو الهرم الثلاثي.

دلوقتي هناخد كام شبكة مصفوفة. ونتخيّل بمجرد النظر، هي هتكوّن شكل ثلاثي الأبعاد اسمه إيه. لو عندنا شبكة مصفوفة زيّ دي … هنلاحظ إن فيها خطوط منقّطة. أو اللي بنسميها خطوط متقطعة. الخطوط المتقطعة دي، بتعرّفنا إن دي الأجزاء اللي هَتِتِّني، أو دي الخطوط اللي هَنِتْني عليها. فمن هنا هنعرف إننا هَنِتْني المثلثين دول، والمستطيلين دول. فالشكل النهائي هيكون منشور ثلاثي.

ودلوقتي هناخد آخر شبكة. ونتخيّل الشكل اللي بتمثّله. في الشبكة اللي قدامنا، دي الخطوط المقطّعة، اللي هَنِتْني الشبكة عليها. وأجزاء الشكل اللي قدامنا، كل جزء فيهم على شكل مستطيل. يبقى الشكل ده لمّا نتنيه، هينتج عنه متوازي مستطيلات.

وبكده نكون عرفنا … باستخدام الشبكات المصفوفة. الشبكات المصفوفة … يبقى بسهولة، لو عندنا شبكة مصفوفة، نقدر نقول هي بتمثّل شكل عامل إزّاي، أو شكل اسمه إيه.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.