فيديو: تحويل الأعداد العشرية إلى أعداد كسرية في أبسط صورة

إذا كان ابن عادل يبلغ من العمر ٦٫٧٥ سنوات، فاكتب عمره على صورة عدد كسري في أبسط صورة.

٠١:٢٩

‏نسخة الفيديو النصية

إذا كان ابن عادل يبلغ من العمر ستة وخمسة وسبعين من مية سنوات، فاكتب عمره على صورة عدد كسري في أبسط صورة.

يعني مُعطى عندنا دلوقتي عمر ابن عادل إن هو ستة وخمسة وسبعين من مية سنوات، معطى على صورة عدد عشري. وعايزين نكتبه على صورة عدد كسري. هنكتب الجزء الصحيح اللي بيمثّل السنوات الكاملة اللي هو ستة. ده هيبقى الجزء الصحيح في العدد الكسري. أما الخمسة وسبعين جزء من مية، هنكتبهم على صورة الجزء الكسري اللي هو هيبقى خمسة وسبعين على مية.

عايزين نبسط بقى العدد الكسري اللي كتبناه ده لأبسط صورة. هنشوف الجزء الكسري اللي فيه إيه العامل المشترك بين البسط والمقام بتوعه. هنلاقي إن العامل المشترك بين البسط والمقام بتوعه هو خمسة وعشرين. فدلوقتي هنكتب العدد الصحيح للسنوات زي ما هو، يعني الجزء الصحيح في العدد الكسري زي ما هو؛ لأن ده عدد السنوات الكاملة. وبعدين نبتدي نختصر البسط بتاع الجزء الكسري؛ خمسة وسبعين نقسمها على خمسة وعشرين، فهيبقى ناتج القسمة تلاتة. وبعدين دلوقتي نختصر المقام بتاع الجزء الكسري؛ مية على خمسة وعشرين، فناتج القسمة هيبقى أربعة.

ويبقى عمْر عادل [ابن عادل] مكتوب على صورة عدد كسري، هيبقى ستة وتلاتة على أربعة سنوات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.