تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد المنوال لمجموعة بيانات

نادر عاطف

باستخدام الجدول التكراري، أوجد الجنسية التي تمثِّل أكبر عدد من السائحين.

٠٢:٠٤

‏نسخة الفيديو النصية

باستخدام الجدول التكراري، أوجد الجنسية التي تمثّل أكبر عدد من السائحين.

ومعطى جدول التكراري اللي قدّامنا. وعندنا الجنسية، وعدد السائحين بالمليون. فبالنسبة للجنسية الفرنسية هنلاحظ إن عدد السائحين هو اتنين وواحد وخمسين من مية مليون. وأمّا بالنسبة للجنسية الألمانية فعدد السائحين هو واحد وواحد من مية مليون.

وبنفس الطريقة في الجنسية البريطانية عدد السائحين واحد وستاشر من مية مليون. وبعد كده الجنسية الروسية عدد السائحين واحد وأربعة من عشرة مليون. وأمّا الإيطالية فعدد السائحين اتنين وتلاتة وتلاتين من مية مليون. وآخر حاجة عندنا الإجمالي، واللي هو إجمالي عدد السائحين بالمليون، واللي هو تمنية وواحد وأربعين من مية مليون.

والمطلوب منّنا في السؤال إننا نوجد الجنسية التي تمثّل أكبر عدد من السائحين. فمعنى كده إننا عشان نقدر نحدّدها يبقى هنشوف عندنا في الجدول في عدد السائحين بالمليون. عايزين نشوف أكبر عدد في الأعداد اللي عندنا هنا.

فهنلاحظ عندنا هنا عند الجنسية الفرنسية إن عدد السائحين اتنين وواحد وخمسين من مية مليون. وأمّا عند الجنسية الإيطالية فهنلاحظ إن عدد السائحين اتنين وتلاتة وتلاتين من مية مليون. وأمّا الجنسيات الألمانية، والبريطانية، والروسية، فهنلاحظ إن أعدادهم أقل. لأن عندنا العدد الصحيح هنا هو واحد؛ يعني واحد مليون.

فبالتالي لمّا نيجي نشوف تاني الجنسية الفرنسية، والجنسية الإيطالية. فهنلاحظ إن اتنين وواحد وخمسين من مية أكبر من اتنين وتلاتة وتلاتين من مية. وبالتالي هتبقى الجنسية اللي بتمثّل أكبر عدد من السائحين هي الجنسية الفرنسية. لأن هي دي الجنسية اللي فيها أكبر عدد من السائحين.

وبالتالي هتبقى الإجابة، هي: الفرنسية.