فيديو: إيجاد الأعداد الصحيحة المجهولة في معادلات الضرب

إذا كان ١١ × ⬧ = ٣٣، ⬧ × ■ = ٨١، فما ناتج ■؟

٠٢:٢٤

‏نسخة الفيديو النصية

إذا كان حداشر في الشكل الأصفر ده يساوي تلاتة وتلاتين، والشكل الأصفر في الشكل الأخضر يساوي واحد وتمانين، فعاوزين نعرف ناتج قسمة الشكل الأخضر على الشكل الأصفر.

هنحلّ أول سطر: حداشر في الشكل الأصفر يساوي تلاتة وتلاتين. لو جينا نفكّر حداشر في كام يساوي تلاتة وتلاتين، هنلاقي إن حداشر في تلاتة هي اللي تساوي تلاتة وتلاتين. يبقى الشكل الأصفر ده بيساوي تلاتة.

كده إحنا عرفنا الشكل الأصفر بيساوي تلاتة. منها نقدر نحلّ السطر التاني؛ هنشيل الشكل الأصفر ونحطّ مكانه تلاتة. التلاتة هنضربها في الشكل الأخضر اللي إحنا لسه ما نعرفهوش، ونشوف هتساوي كام. هنلاقي إن التلاتة في الشكل الأخضر بتساوي واحد وتمانين. لو قسمنا الواحد وتمانين على التلاتة هيطلع لنا الناتج اللي إحنا محتاجينه؛ فهنلاقي إن واحد وتمانين على التلاتة تساوي سبعة وعشرين. يبقى تلاتة في سبعة وعشرين بتساوي واحد وتمانين؛ يبقى الشكل الأخضر بيساوي سبعة وعشرين.

آخر خطوة هي قسمة الشكل الأخضر على الشكل الأصفر. إحنا طلّعنا الشكل الأخضر يساوي سبعة وعشرين. هنقسمه على الشكل الأصفر اللي إحنا طلّعناه بتلاتة. سبعة وعشرين على التلاتة يساوي تسعة؛ يبقى الناتج هو التسعة.

يبقى إحنا علشان نعرف الناتج بتاعنا، كنّا محتاجين نعرف الأول قيمة الشكل الأصفر وقيمة الشكل الأخضر. من السطر الأول هنا جِبنا قيمة الشكل الأصفر بتلاتة، ومن السطر التاني هنا جِبنا قيمة الشكل الأخضر بيساوي سبعة وعشرين. وبعدين قسمناهم على بعض؛ سبعة وعشرين على تلاتة، طلع الناتج يساوي: تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.