فيديو: تبسيط المقادير الجبرية الكسرية باستخدام قوانين الأسس

بسِّط ٤^(٣ﻥ + ٣) × ٢٥^(١ − ٣ﻥ)/٢^(٩ﻥ + ٣) × ٥٠^(١ − ٣ﻥ).

٠٤:٣١

‏نسخة الفيديو النصية

بسّط: أربعة أُس؛ تلاتة ن زائد تلاتة، في خمسة وعشرين أُس؛ واحد ناقص تلاتة ن. الكل على، اتنين أُس؛ تسعة ن زائد تلاتة، في خمسين أُس؛ واحد ناقص تلاتة ن.

بالنظر للحد أربعة أُس، تلاتة ن زائد تلاتة. ممكن نقول إنه بيساوي اتنين أُس اتنين الكل أُس، تلاتة ن زائد تلاتة. وفي حالة رفع عدد مرفوع لأُس، لأُس آخَر. يعني مثلًا أ أُس س الكل أُس ص، فده هيساوي أ أُس، س في ص. يبقى ممكن نقول إن الحد هيساوي اتنين أُس؛ اتنين في، تلاتة ن زائد تلاتة. فهنضرب اتنين في تلاتة ن، ونجمعها على اتنين في تلاتة. يبقى ده هيساوي اتنين أُس، ستة ن زائد ستة.

بعد كده بالنسبة للحد خمسين أُس، واحد ناقص تلاتة ن. ممكن نقول إنه بيساوي اتنين في خمسة وعشرين الكل أُس، واحد ناقص تلاتة ن. وفي حالة ضرب عددين مرفوعين لنفس الأُس. يعني مثلًا أ في ب الكل أُس س؛ فده هيساوي أ أُس س، في ب أُس س. يبقى ممكن نقول إن الحد هيساوي اتنين أُس؛ واحد ناقص تلاتة ن، في خمسة وعشرين أُس؛ واحد ناقص تلاتة ن.

نعيد كتابة المقدار بعد التعديلات. يبقى المقدار هيساوي اتنين أُس؛ ستة ن زائد ستة، في خمسة وعشرين أُس؛ واحد ناقص تلاتة ن. الكل على، اتنين أُس؛ تسعة ن زائد تلاتة، في اتنين أُس؛ واحد ناقص تلاتة ن، في خمسة وعشرين أُس؛ واحد ناقص تلاتة ن.

باستخدام التبسيط ممكن نختصر خمسة وعشرين أُس، واحد ناقص تلاتة ن من البسط والمقام. فالمقدار هيساوي اتنين أُس؛ ستة ن زائد ستة. على، اتنين أُس؛ تسعة ن زائد تلاتة، في اتنين أُس؛ واحد ناقص تلاتة ن. نقدر نلاحظ إن الأعداد في البسط والمقام ليها نفس الأساس اللي هو اتنين. وفي حالة ضرب عددين ليهم نفس الأساس، ومرفوعين لأُسس. زيّ مثلًا أ أُس س، في أ أُس ص؛ فده هيساوي أ أُس، س زائد ص.

فبتطبيق ده على المقام المقدار هيساوي اتنين أُس، ستة ن زائد ستة. على اتنين أُس، تسعة ن زائد تلاتة زائد واحد ناقص تلاتة ن. وبجمع الحدود المتشابهة المقدار هيساوي اتنين أُس، ستة ن زائد ستة؛ على اتنين أُس، ستة ن زائد أربعة.

في حالة قسمة عددين ليهم نفس الأساس، ومرفوعين لأُسس. زيّ مثلًا أ أُس س، على أ أُس ص؛ فده هيساوي أ أُس، س ناقص ص. وبتطبيق ده على المقدار فالمقدار هيساوي اتنين أُس، ستة ن زائد ستة ناقص؛ ستة ن زائد أربعة. يعني اتنين أُس، ستة ن زائد ستة ناقص ستة ن ناقص أربعة. وبجمع الحدود المتشابهة، هيبقى ده بيساوي اتنين أُس اتنين؛ يعني اتنين تربيع. وده هيساوي أربعة.

يبقى المقدار بعد تبسيطه هيساوي أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.