فيديو: استخدام حساب المثلثات للمثلث القائم الزاوية لحل المسائل الكلامية

طائرة ورقية، على ارتفاع عمودي ٤٤ م، مربوطة في خيط يميل على الأفقي بزاوية قياسها ٦٠°‎. أوجد طول الخيط لأقرب رقم عشري.

٠١:٥٦

‏نسخة الفيديو النصية

طائرة ورقية، على ارتفاع عمودي أربعة وأربعين متر، مربوطة في خيط يميل على الأفقي بزاوية قياسها ستين درجة. أوجد طول الخيط لأقرب رقم عشري.

هنرسم رسم تقريبي؛ علشان نتخيّل المسألة بشكل أفضل. هنفترض إن الطائرة عند النقطة أ، ارتفاعها العمودي هو أربعة وأربعين متر. ونعرف كمان إن هي الخيط بتاعها بيميل على الأفقي بزاوية ستين درجة. يبقى الزاوية دي. هنسمِّي النقطة دي ب، والنقطة ﺟ؛ علشان خاطر نعرف نسمِّي الزاوية. هيبقى الزاوية اسمها أ ب ﺟ. وقياسها ستين درجة. وهتبقى الزاوية ﺟ، اللي هي الزاوية بين الأفقي والرأسي، هي زاوية قائمة؛ تسعين درجة. المجهول عندنا هو طول الخيط، اللي هو أ ب.

نعرف إن المثلث قائم الزاوية. ونعرف قياس الزاوية ب ستين درجة. ونعرف كمان أ ﺟ. أ ﺟ بالنسبة للزاوية ب هو المقابل. أمّا أ ب، فهو قصاد الزاوية القائمة. فعشان كده هيبقى الوتر. نعرف المقابل، وعايزين نجيب الوتر. علشان كده هنستخدم جيب الزاوية. وهيبقى جيب الزاوية ب جا ب بيساوي المقابل على الوتر. جا ب يعني جا ستين، يساوي المقابل … المقابل هو أ ﺟ أربعة وأربعين. والوتر المجهول هو أ ب. ومن هنا أ ب هيساوي … أ ب هيساوي أربعة وأربعين على جا ستين. باستخدام الآلة الحاسبة، هنلاقي إن أ ب بيساوي تقريبًا خمسين وتمنية من عشرة متر.

وبكده هيكون طول الخيط لأقرب رقم عشري بيساوي: خمسين وتمنية من عشرة متر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.