تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: مقارنة المساحات

نهال عصمت

يتناول الفيديو كيفية المقارنة بين المساحات المختلفة للأشياء، والكلمات المستخدمة للتعبير عن المساحات.

٠٤:١٥

‏نسخة الفيديو النصية

مقارنة المساحات.

هنعرف إزاي نقارن بين مساحة الأشكال المختلفة. معنى كلمة مساحة يعني الفراغ الموجود داخل الشكل. يعني لمّا نيجي نتكلم عن المساحة، نقدر نستخدم كلمة «يغطي جزء كبير» أو نقدر نقول إنه يغطي … عفوًا … «يغطي جزء صغير». ولو بنقارن بين حاجات كتير، نقدر نقول إنه يغطي الجزء الأكبر، أو إنه يغطي الجزء الأصغر.

بمعنى لو عندنا ورقة بالشكل ده وكتاب، هنلاحظ إن الورقة كبيرة لكن الكتاب صغير. فبالتالي الورقة بتغطي جزء كبير؛ يعني بتغطي مساحة كبيرة. لكن الكتاب بيغطي جزء صغير، أو بيغطي مساحة صغيرة. يعني مساحة الورقة أكبر من مساحة الكتاب.

هنجيب صفحة جديدة، ونشوف مثال تاني.

لو عندنا مربع بالشكل ده، هنلاقي إن المربع صغير؛ معنى كده إن المساحة أو الفراغ اللي موجود جوه الشكل صغير. وبالتالي نقدر نقول إنه يغطي جزء صغير. لكن لو عندنا مربع كبير بالشكل ده، هنلاحظ إن المساحة اللي موجودة داخل الشكل، أو الفراغ الموجود داخل الشكل كبير. وبالتالي نقدر نقول إن المربع الكبير يغطي جزء كبير.

يبقى نقدر نقول إن المربع الصغير عشان بيغطي جزء صغير، مساحته هتبقى أصغر من مساحة المربع الكبير. لكن لو جينا عند المربع الكبير عشان بيغطي جزء كبير، يبقى نقدر نقول إن مساحة المربع الكبير أكبر من مساحة المربع الصغير. يبقى كده عرفنا إزاي نستخدم الكلمات اللي بتعبر عن المساحة.

هنبدأ نجيب صفحة جديدة ونشوف مثال تاني.

لو عندنا تلات أشكال بالشكل ده. عايزين نحدد الشكل الذي يمثّل أكبر مساحة، والشكل الذي يمثّل أصغر مساحة.

عشان نقدر نحدد أكبر مساحة وأصغر مساحة، هنبدأ نبص على الفراغ اللي موجود داخل كل شكل من التلات أشكال اللي ظلّلناه بالأخضر. هنلاحظ إن أول شكل يمثّل أكبر مساحة؛ عشان الفراغ الموجود داخل الشكل أكبر فراغ. وهنلاقي إن الشكل التاني يمثّل أصغر مساحة؛ عشان الفراغ اللي موجود داخل الشكل هو أقل فراغ.

يبقى كده اتكلمنا عن مقارنة المساحات، وعرفنا إزاي نستخدم الكلمات اللي بتعبر عن المساحة.