فيديو: تحديد مجال ومدى الدوال الكسرية بمعلومية تمثيلها البياني

أوجد مجال ومدى الدالة د(ﺱ) = ١/|ﺱ − ٢|.

٠١:٢٥

‏نسخة الفيديو النصية

اوجد مجال ومدى الدالة د س تساوي واحد على، مقياس س ناقص اتنين.

وفي الرسم الموضّح بنلاقي التمثيل البياني للدالة د س زي ما إحنا شايفين. بنبدأ أول حاجة بتحديد مجال الدالة. فبنلاقي إن مجال الدالة هي عبارة عن جميع قيم س التي تكون معرَّفة عندها الدالة. لكن من التمثيل البياني اللي قدامنا بنلاحظ إن الدالة غير معرَّفة عند قيمة س تساوي اتنين. يبقى المجال عبارة عن جميع قيم س ما عدا س تساوي اتنين. فبنكتب كده المجال هيساوي ح يعني جميع القيم الحقيقية لـ س ما عدا المجموعة اتنين.

بنوجد بعد كده مدى الدالة. فبنلاقي إن المدى هو جميع قيم الدالة الناتجة. فبنلاقي مِ الرسم الموضح إن التمثيل البياني للدالة موجود مقابل جميع قيم ص الموجبة. يبقى المدى هيكون عبارة عن الفترة المفتوحة من صفر إلى موجب ما لا نهاية. يبقى الإجابة النهائية المجال عبارة عن ح ما عدا المجموعة اتنين. والمدى عبارة عن الفترة المفتوحة من صفر إلى موجب ما لا نهاية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.